Ақша ұрлаған күдікті ұсталды

Абай аудандық полиция бөлімінің қызметкерлері ұрлық жасады деген күдікпен 33 жастағы азаматты ұстады.

Мәселені тарқатып айтсақ, күдікті 30 жастағы танысынан шұғыл қоңырау шалу үшін ұялы телефон сұраған. Телефонға әлдебір қосымша орнатып, өз шотына 160 мың теңге аударып алған. Алайда, күдікті қолға түскен. Ол өз кінәсін толық мойындап, ұрланған қаражатты растайтын заттай дәлелдемелерді көрсетті.

Аталған факті бойынша қылмыстық іс қозғалып, тергеу амалдары жүргізілуде.

Ербол ЕРБОЛАТ,
Ortalyq.kz