Қорғаныс министрлігі матростар Ахметов пен Мағауия туралы ақпаратқа түсініктеме берді

Министрліктің мәліметінше, Әскери-теңіз күштері өткізген оқу-жаттығу кезінде жеке құрамның бір бөлігі жағалауда оқу міндеттерін орындаған. Матростар Ахметов пен Мағауия да осы әскери қызметшілер тобының құрамында болған.

Қазіргі уақытта екі әскери қызметші де әскери бөлімнің орналасқан жерінде. Олар белгіленген күн тәртібіне сәйкес әскери қызметін жалғастырып жатыр.

Қорғаныс министрлігі азаматтарды тексерілмеген ақпаратты таратпауға және әскери қызметшілерге қатысты мәліметтерді тек ресми дереккөздерден алуға шақырды.