Теміртаудың жеке секторының 156 тұрғыны өз үйлерін газдандыруға біржолғы көмек алды.
![](http://ortalyq.kz/wp-content/uploads/2024/04/3d9036bf-b084-4e4c-b805-0e9973073edb.jpg)
Теміртау қаласының жұмыспен қамту және әлеуметтік бағдарламалар бөлімі 2022 жылдың маусым айынан бастап қала тұрғындарына тұрғын үйлерді газдандыру бойынша көмек көрсетуді жалғастыруда. Әлеуметтік көмек көрсету қағидаларына сәйкес мынадай санаттар айқындалды:
– Жасы бойынша зейнеткерлер;
– Мүгедектігі бар адамдар;
– Мүгедек балалар;
– Көпбалалы аналар мен көпбалалы отбасылар.
– Ұлы Отан соғысының ардагерлері;
– Басқа мемлекеттер аумағындағы соғыс қимылдарының ардагерлері;
– Жеңілдіктері бойынша Ұлы Отан соғысының ардагерлеріне теңестірілген ардагерлер.
Біржолғы көмектің шекті мөлшері – 130 АЕК, яғни, 479 960 теңге. Газ жабдығын орнатуға шарт жасалған сәттен бастап 6 ай ішінде көмек сұрауға болады. Толық кеңес пен түсініктемені мына мекен-жайдан алуға болады: Чайковский көшесі 22, 2 қабат, 3 кабинет. Телефон 95 55 55
Әділет ШОПЕН.