Бүгін Мемлекет басшысы Қ.К.Тоқаев қоғамда қалыптасқан жағдай мен сын-қатерлерді қанағаттандыруға бағытталған Қазақстан халқына кезекті Жолдауын жариялады. Құжатта баяндалған бірқатар іргелі реформаларға қарамастан, Мемлекет басшысы нақты міндеттер қойды, олардың мәні әрбір қазақстандыққа түсінікті.
Қарағанды қаласының жергілікті өкілді органының басшысы ретінде Мемлекет басшысының Қазақстан халқына Жолдауын мемлекеттік басқарудың жаңа моделін құру, мемлекеттік қызметті қайта жүктеу, кадр саясатына жаңа көзқарастар, шешімдер қабылдау жүйесі және олардың орындалуы үшін жауапкершілік қажеттілігінен бастағаны маған аса ұнады. Осыған байланысты мәслихаттардың Тексеру комиссияларының рөлін арттыру, сондай-ақ әлеуметтік-экономикалық бағдарламалар мен қала бюджетінің іске асырылуын қоғамдық бақылау маңызды мәнге ие болады.
Қарағанды қалалық мәслихатының депутаттары Қарағанды қаласының негізгі қаржылық құжатын қалыптастыруға және қабылдауға көп көңіл бөледі, биыл біз Қ.К.Тоқаевтың «үнемділік» және «жауапкершілік» сияқты ұғымдарын ескеретін боламыз.
Президент жаңа экономикалық бағдарының жеті негізгі бағытын атап өтті, олардың ішінде бірінші орында – азаматтардың игіліктері мен міндеттерін әділ бөлу қағидаты. Қазақстан халқына алдындағы және бүгінгі Жолдауда да әлеуметтік міндеттерді шешуге басты назар аударылды, бұл, ең алдымен:
– алғашқы медициналық көмекті ұйымдастырудың жаңа тәсілдері;
– үздіксіз білім беру тұжырымдамасын әзірлеу, оның ішінде кәсіби және жоғары білімнің сұранысқа ие мамандықтарға бағдарлануы;
– бұқаралық спортты кешенді дамыту және үйірме қызметін жандандыру;
– ЭКҰ квоталарын ұлғайта отырып отбасылық-демографиялық саясат, халықтың репродуктивті денсаулығын нығайту және қорғау.
Қазіргі уақытта Қ.К. Тоқаев ұсынған қазақстандықтарды әлеуметтік жалға берілетін тұрғын үймен қамтамасыз ету жөніндегі жобалар, жұмыс істейтін азаматтардың зейнетақы жинақтарының бір бөлігін тұрғын үй сатып алу, емдеу немесе білім алу үшін пайдалану мүмкіндігі ерекше маңызға ие.
Қазақстан Республикасының Конституциясына сәйкес адам құқықтары мен бостандықтарын қорғау – біздің мемлекетіміздің басты басымдығы, осыған сүйене отырып, Мемлекет басшысы ұсынған құқық қорғау және сот органдары реформаларының мәні, сөзсіз, аса маңызды. Азаматтардың осы органдарға деген сенімін, оның ішінде учаскелік инспекторлардың мәртебесін, беделін және танымалдылығын арттыру есебінен қайтару қажет. Қ.К.Тоқаевтың Президент Әкімшілігі жанынан Құқық қорғау және сот органдарының реформасын жүргізу жөніндегі өкілді комиссия құру мәселесіндегі бастамасын қолдаймын.
Қ.Қ.Тоқаев белгілеген медиация институтын дамыту үшінші мүдделі емес тараптың көмегімен даулы немесе жанжалдық жағдайда келісім іздеуге мүмкіндік береді, бұл адамға сот процесіне қатысудан немесе мәселені заңсыз жолмен шешуден арылуға мүмкіндік береді.
Президент Қ.К. Тоқаев өзінің алғашқы Жолдауында «еститін мемлекет» қағидатын енгізді, яғни билік пен халық арасында диалог орнығуы тиіс. Қарағанды қалалық мәслихаты өз қызметінде барынша ашық болуға тырысады, сессиялардың барлық пленарлық отырыстарына, тұрақты комиссиялардың отырыстарына қаланың белсенді тұрғындары қатысады, барлық сессиялар онлайн режимде трансляцияланады, сайлаушылардың проблемалық мәселелері барлық мүдделі тараптардың қатысуымен орынға шығу арқылы қаралады. Мұндай тәжірибе өзінің негізділігі мен тиімділігін көрсетті және одан әрі жұмыста белсенді қолданылатын болады.
Жолдауда қойылған міндеттерді сәтті іске асыру-бұл біздің ортақ міндетіміз және үлкен жауапкершілік.
Қ. БЕКСҰЛТАНОВ,
Қарағанды қалалық мәслихатының хатшысы.
