Жолдау жүз бастаманың жүгін арқалап тұр
Мемлекет басшысы Қасым-Жомарт Тоқаев «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына арнаған Жолдауында отандық экономиканың тұрақтылығын және еліміздің дамуына серпін беретін жолды, стратегиялық басымдықтарды дөп басып, айқындап берді.
Президентіміздің 9 бағытқа бөліп соқырға таяқ ұстатқандай нұсқау беріп, Қазақстан экономикасының құрылымын өзгерту арқылы түрлі салаларды дамытуды, азаматтардың табысын арттыруды мақсат етіп қойғаны бұл жолғы Жолдаудың Әділетті Қазақстан құруда маңызы зор екенін түсіндім. Жолдауда жүзге жуық түрлі бастамалар, ұстыныстар мен тапсырмалар бар екен. Сонымен қатар, келер жылды – «Жұмысшы мамандықтары жылы» деп жариялауының маңызы өте зор деп ойлаймын. Себебі, жұмысшы мамандығының мәртебесін көтеру, әділетті Қазақстанды қалыптастырып жатқан дәл қазіргі кезеңде өте қажет. Қазіргі уақытта жастардың көпшілігі мектеп бітірісімен жоғары оқу орындарына түсіп, заңгер, экономист, информатик тағы басқа мамандық иелері болуды алдарына мақсат етіп қоятынын білеміз. Ал, жұмысшы мамандығына, оның ішінде техникалық, мұнай-газ, құрылыс салаларының мамандықтарына тапшылық қатты байқалып отыр. Осы орайда, жұмысшы мәртебесін көтеру уақыт талабына сай келіп отыр деуімізге толық негіз бар.
Біз Президент Жолдауында қоғамдағы өзекті мәселелер жан-жақты қозғалумен қатар, еліміздің орталық және жергілікті атқарушы органдары тарапынан атқарылатын келелі міндеттер нақты белгіленіп, оларды шешудің жолдары айқындалғанын бағамдадық.
Тайтөлеу ЖҰМАНОВ,
Балқаш ардагерлер кеңесінің төрағасы.
