Жолдау – елдіктің темірқазығы
Мемлекет басшысы Қасым-Жомарт Тоқаевтың 2 қыркүйекте Парламент палаталарының бірлескен отырысында «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына арнаған Жолдауына қатысты Балқаш қаласының еңбек ұжымдары өз пікірлерін білдіруде.
Ағыбай батыр атындағы Оқушылар сарайының ұжымы Жолдауда жүзге жуық түрлі бастамалар, ұсыныстар және тапсырмалар барын, мысалы, салық жүйесін мұқият ойластыра отырып қайта жүктеу, шағын және орта бизнесті қолдауға арналған шаралар топтамасын оңтайландыру, ауыл шаруашылығы өнеркәсібі үшін қолжетімді несие беру, әділ әрі тиімді тариф саясатын жүргізу, көлік инфрақұрылымын жаңғырту, білікті мамандар даярлау, жасанды интеллектіні дамыту және жаппай цифрландыру, азаматтардың қауіпсіздігін жан-жақты қамтамсыз ету сияқты басымдықтарды айрықша атап өтіп отыр.
«Балалар өнер мектебі» КМҚК-ның педагогикалық ұжымы да Президент бастамаларын қолдайтындықтарын жазуда.
«Мемлекет басшысы өз үндеуінде қоғамның барлық топтары, соның ішінде білім беру саласы үшін зор маңызы бар елді дамытудың басымдықтарын атап өтті. Біз білім беру жүйесін жаңғыртуға бағытталған бастамаларды толығымен қолдаймыз. Мектеп және жоғары білім беру сапасын жақсарту, сондай-ақ техникалық және кәсіптік оқытуға қолжетімділікті кеңейту жылдам өзгеретін әлем жағдайында тиімді жұмыс істей алатын мамандардың жаңа буынын даярлауға мүмкіндік беретін негізгі факторлар болып табылады. Біз оқу бағдарламалары мен оқыту әдістерін жетілдіре отырып, осы жоспарларды іске асыруға белсенді қатысуға дайынбыз», – дейді Өнер мектебінің мұғалімдер ұжымы.
«Жалпы, Президенттің Жолдауы қазақстандықтардың өмірін жақсартуға және еліміздің әлемдік аренадағы ұстанымын нығайтуға бағытталған нақты даму векторын белгілейді. Біз педагог ретінде Отанымыздың өркендеуіне ықпал ететін азаматтардың жаңа буынын тәрбиелеу және оқыту арқылы осы өршіл мақсаттарға қол жеткізуге өз үлесімізді қосуға дайынбыз», – дейді қосымша білім беру ұйымының ұстаздары.
Өз тілшімізден.
БАЛҚАШ
