Жалған ақпараттың жетегінде кетпеңіз

Қазіргі уақытта Жалған ақпаратқа қарсы іс-қимыл орталығы қоғамда резонанс тудырып жатқан жалған «ақпараттық толқындардың» жасалу тетігін тереңірек талдап отыр. Соңғы кезде әлеуметтік желілерде халықты алаңдататын, жұрт назарын бірден өзіне аударатын, тіпті адамдардың мінез-құлқы мен әрекетіне ықпал ететін жарияланымдардың күрт көбейгені байқалады.

Алайда бұл ақпараттар өздігінен таралмайды. Олардың артында арнайы құрылған технологиялар –  боттар желісі, тапсырыспен жазылған пікірлер, нысаналы жарнама мен бір мезетте жүргізілетін ақпараттық шабуылдар тұр. Барлығының мақсаты – қоғамда шынайы наразылық бардай әсер қалыптастырып, жалған ақпарат арқылы халықтың сеніміне селкеу түсіру.

Орталық мамандары мұндай арандату әрекеттеріне бой алдырмауға, әр ақпараттың түп негізін тексеруге кеңес береді.

Аяулым СОВЕТ