Жұртты дүрбелеңге салатын жалған ақпараттарды таратпау қажет – Мемлекет басшысы

Қасым-Жомарт Тоқаев бұқаралық ақпарат құралдарын, белсенді азаматтарды және блогерлерді жұртты дүрбелеңге салатын жалған ақпараттарды таратпауға шақырды.

– Бұқаралық ақпарат құралдарына, белсенді азаматтарға және блогерлерге айтарым, жұртты дүрбелеңге салатын жалған ақпараттарды таратпау қажет. Қазіргі уақытта билік пен қоғамды ұйыстыратын әрекеттер жасау аса маңызды. Азаматтарды тек қана ресми ақпарат көздеріне сүйенуге шақырамын. Құтқарушыларға, тәртіп сақшыларына, волонтерлерге және апатпен күресуге атсалысып жатқан барша жұртқа алғысымды айтамын. Осындай қиын-қыстау кезде бір жағадан бас, бір жеңнен қол шығару айрықша маңызды. Бір ел, бір халық болып жұмылып, бұл апатты еңсереміз. Бұл біздің қолымыздан келеді, – деді Президент.

Материалды әзірлеген Аида РАХЫМҚҰЛОВА