Жүкті әйелдер мен сәбилерге жаңа көмек: мейіргерлер үйге барып қарайды

6 қыркүйектен бастап елімізде жаңа қызмет түрі енгізіледі. Патронажды мейіргерлер жүкті әйелдер мен сәбилерді үйіне барып қарайды.

Қызмет тәртібі:
• Жүкті әйелдерге – 2 рет үйге барады;
• Ерте жастағы балаларға – 10 рет бару жоспарланған.

Егер ана мен бала денсаулығына немесе дамуына қатысты қауіп анықталса, мейіргер дереу дәрігерге хабарлайды.

Патронажды мейіргердің негізгі міндеттері:
• Жүкті әйелдер мен ата-аналарды босануға, бала күтіміне дайындау;
• Баланың ерте дамуына жағдай жасау, қауіпсіз орта қалыптастыру;
• Тамақтану, күтім, үйдегі қауіпсіздік пен гигиена бойынша кеңес беру;
• Тек қана емшек сүтімен тамақтандыруды насихаттау;
• Ана мен балаға қауіп төндіретін белгілерді түсіндіріп, алдын алу.

Материалды әзірлеген Аида РАХЫМҚҰЛОВА