Кеше Қазақстан халқының Тілдері күніне, Ұлт ұстазы Ахмет Байтұрсынұлының туған күніне орай Теміртау қаласында «Тіл – ұлттың жаны» атты сайыс өтіп, онда өзге ұлт өкілдері қазақ тілінен жарысқа түсті.
Сайысқа қатысушылар екі аталым бойынша бақтарын сынады. Жарыс қорытындысында өлең оқудан 1-орынды В.Попов, 2-орынды Н.Ткаченко мен М.Григориади, 3-орынды В.Слабец иеленсе, қазақша ән орындауда 1-орын Р.Хакимовқа, 2-орын К.Свидерский мен Г.Новичковаға, ал 3-орын Б.Березинаға бұйырды. Сонымен қатар тағайындалған арнайы жүлдеге Т.Винтер ие болды.
Сайыс жеңімпаздарына дипломдар мен сертификаттарды Теміртау қаласы әкімінің орынбасары Самат Зияшев табыстады.
Ержан ИМАШ,
ТЕМІРТАУ
