Қызметі ерек зертхана

Қарағандыда әлемдік стандарттарға сәйкес барлық қажетті талдауларды жүргізуге мүмкіндік беретін Қазақстандағы жалғыз геохимиялық зертхана жұмыс істейді. Бұған дейін зерттеулерді растау үшін шетелдік орталықтарға жүгінуге тура келді. Яғни, уақыт пен қаржының артық шығынына алып келетін-ді.

Бұл жобаны «Қазгеология» АҚ әлемдегі техникалық қызмет көрсету бойынша жетекші компаниялардың бірі – ALS-пен бірлесіп іске асырды.

Зертхананы құру кезінде геологиялық сынамалардың сапалық және сандық сипаттамалары туралы халықаралық деңгейде танылған деректерді жедел алуға мүмкіндік беретін Қазақстанның минералдық базасын қалыптастыру міндеті қойылды. Орталықта зерттеу кезінде әлемдегі 20-дан астам әдіс қолданылады. Нысанның жалпы ауданы 2 мың шаршы метрден асады. Орталықта 40 маман жұмыс істейді. Зертхана алдыңғы қатарлы әлемдік жеткізушілердің заманауи жабдықтарымен жасақталған. Кешеннің өнімділігі тәулігіне 1200 сынаманы құрайды.

Өз тілшімізден.