ТЖД қарағандылықтарға қатты жел туралы ескертті

Ауа райының күрт нашарлауы және желдің жылдамдығы 30 м/с дейін күшеюіне байланысты Қарағанды облысы Төтенше жағдайлар департаменті тұрғындарға сақ болуды және ауа райының өзгерістеріне бейжай қарамауды сұрайды. Қатты жел жағдайында әртүрлі қауіптер туындауы мүмкін, сондықтан барлық азаматтардан қауіпсіздік шараларын сақтау талап етіледі.

Қатты жел кезінде келесідей қауіпсіздік шараларын сақтаңыздар:

1. Электр желісін шамадан тыс артық жүктемеу;
2. Қатты жел кезінде мүмкіндігінше үйден шықпау ұсынылады;
3. Балаларды қараусыз қалдырмаңыздар;
4. Далада болған жағдайда жақын жердегі қауіпсіз орынға бару – подъезд немесе дүкен сияқты жабық орындарға тығылу ұсынылады;
5. Құрылыс нысандары мен ағаштардан алыс тұру – үйлердің қабырғаларының, жарнамалық тақталардың, ағаштардың және аяқталмаған ғимараттардың жанында тұрмаңыздар;
6. Құлаған электр сымдарына жақындамау – электр сымдарының құлауы қауіпті болуы мүмкін, сондықтан олардан алыс тұрыңыз;
7. Көліктерді ағаштардан алыс қою – ағаштар құлап, көліктерге зиян келтіруі мүмкін, сондықтан көліктерді қауіпсіз жерге қою қажет.

Оқыс оқиға орын алған жағдайда құтқару қызметінің «112» бірыңғай телефонына хабарласыңыздар.

Аида РАХЫМҚҰЛОВА