Туризмді түлететін орталық

Қарағанды облысында жыл сайын туризм дамып келеді. Шет елдік туристердің саны артуда. Енді, кеншілер өлкесіне келген туристер өздеріне қажетті барлық ақпарататты «VIZIT QARAGANDA» туристік ақпараттық орталығынан біле алады.

Жуырда ғана Ақтоғай ауданындағы Шабанбай би ауылы еліміздегі үздік бес туристік ауылдың қатарына кірген еді. Бұл – Арқа жеріндегі киелі орындар мен тарихи орталықтар көзі ашық, көкірегі ояу туристердің қызығушылық оятып отырғанының айқын көрінісі.

Жыл басында Қарағанды қаласында «VIZIT QARAGANDA» ақпараттық орталығы ресми түрде ашылған. Екі ай бойы аймақтағы туристік орталықтар мен туризмі дамыған өңірлерге талдау жасалыпты.
Бұқаралық ақпарат өкілдерімен өткен баспасөз туры барысында аталған орталықтың директоры Бахтияр Бекмұрзаев өз жұмыстары жөнінде егжей-тегжейлі айтып берді.

Мәлімдеуінше, «VIZIT QARAGANDA» ақпараттық орталығының сайты және әлеуметтік желілерде парақшасы бар. Орталыққа қажетті мамандар да тартылған.
Бұл туралы толығырақ «Ortalyq Qazaqstan» газетінің алдағы сандарынан оқи аласыздар.

Жәлел ШАЛҚАР