Цифрлық даму министрі Қазақстандағы алғашқы мемлекеттік және сервистік қызметтер орталығының жұмысымен танысты
Қарағандыға цифрлық даму министрі Жаслан Мәдиев келді. Жұмыс сапары барысында ол Қарағанды облысы әкімдігінің мемлекеттік және сервистік қызмет көрсету орталығының, “Террикон алқабы” IT-хабының және бірыңғай үйлестіру орталығының жұмысымен танысты.
Мемлекеттік және сервистік қызметтер орталығы – бұл азаматтар мемлекеттік және әлеуметтік қызметтердің кең спектрін ала алатын елдегі алғашқы инновациялық орталық.
Мұнда облыс әкімі, әкім орынбасарлары, басқармалар мен департаменттердің басшылары,
сондай-ақ еңбек ұтқырлығы орталығы, отбасыға көмек көрсетудің бірыңғай орталығы, мамандандырылған ХҚКО секторы, мемлекеттік кірістер департаментінің өкілдері және “Ten Qogam” мүгедектігі бар адамдарды әлеуметтік бейімдеу орталығы және т. б. тұрғындармен жеке кездесулер өткізетін тұрғындармен диалог орталығы сияқты ұйымдар орналасқан.
– Мұндай тәжірибе бүкіл ел бойынша кеңейеді. Жобаның басты мақсаты – азаматтар бір жерде қызметтердің максималды спектрін ала алатын көпфункционалды инфрақұрылымды құру, бұл мемлекеттік органдармен және ұйымдармен өзара іс-қимылдың ыңғайлылығы мен тиімділігін айтарлықтай арттырады, – деді Жаслан Мәдиев.
Сондай-ақ, министр бірыңғай үйлестіру орталығында болып, қаладағы интернет байланысының сапасын тексеріп, “Террикон алқабы” ІТ-хабының жұмысы қалай құрылып жатқанын білді.
IT-Hub “TerriconValley” – бұл 2021 жылы іске қосылған алғашқы аймақтық стартап-экожүйе. Қарағанды ІТ-хабында маркетинг, бизнес және әзірлеу бойынша тегін оқыту жүргізіледі және жыл сайын 10 мыңнан астам қатысушыны тартады. Хаб жұмыс істей бастағаннан бері 20 бизнес-бағдарлама өткізілді, олардың түлектері әлеуметтік маңызы бар жобалар құрып, миллиондаған келісімшарттар жасасады. Табысты стартаптардың қатарында өнеркәсіптік қосалқы бөлшектер мен бионикалық протездерді 3D басып шығарумен айналысатын KZ Transit және Jolqal.ai, ЖИ көмегімен жолдардың жағдайын бақылауға арналған қосымша әзірледі.
Жұмыс сапарының соңында министр Жаслан Мәдиев өңірдің цифрлық инфрақұрылымының қауіпсіздігі мен тиімділігін қамтамасыз етуде шешуші рөл атқаратын Қарағанды деректерді өңдеу орталығына барды.
Облыс әкімдігінің баспасөз қызметі
