Топар жастары қарттарға қолғабыс етті

«Таза Қазақстан» республикалық акциясының «Өнегелі ұрпақ» апталығы аясында Топар кентінің жастары жалғыз тұратын зейнеткерлердің үйіне барып, ауласын қоқыстан тазартып берді.

Топарлықтар акция басталғалы сенбіліктен қалыс қалмады. Әуелі кент маңайына сенбілік өткізіп, қап-қап қоқысты сыртқа шығарды. Одан кейін аулаларды абаттандырып, жасылжелектендірді. Бұл жолы қарттарға да қолғабыс етіп, үй ауласын тазартты.

– Өз басым осы кентте ертеден тұрамын. Кенттің жастары белсенді. «Таза Қазақстан» акциясы аясында ауламды тазартып берді. Осы акция басталғалы кенттің көшелері қоқыстан тазарғанын көруге болады. Осының бәрі – жастардың арқасы. Жастарға Алғысымды айтамын, – деді зейнеткер Геннадий Кузнецов.

Ербол ЕРБОЛАТ,
Ortalyq.kz