Топар кентінде туризм дамып келеді

Абай ауданы туризм саласында өсу нүктесіне айналуда. Мемлекет инвесторлар үшін қолайлы жағдай жасап, кәсіпкерлер Шерубай-Нұра су қоймасының жағалауында жаңа демалыс жобаларын іске асыруда. Қазір Топар кенті мен маңында 30-дан астам демалыс аймағы жұмыс істейді. Қонақүйлер, бассейндер, балалар алаңдары мен жазда – катамаран, су мотоциклдері, ал қыста – қар көлігі, балық аулау мен монша сынды қызметтер ұсынылады.

Өткен жылы 30 мыңнан астам турист келген. Сұранысқа байланысты жаңа кешендер салынып, инфрақұрылым жаңартылуда. Биыл 11 шақырым жол жөнделіп, жағалауға электр желілері тарту жоспарланған. Жергілікті билік туризмді қолдап, жыл бойы жайлы демалуға барлық жағдай жасауда.

–  Ағын үнемі өсіп келеді, тек өткен жазда демалушылар саны 30 мыңнан асты. Сұраныстың артуына байланысты туристік инфрақұрылымға инвестициялар артуда, – деп атап өтті Абай ауданының кәсіпкерлік және өнеркәсіп бөлімінің басшысы Дарижан Мырзахметова.

Коттедждер, қонақ үй, мейрамхана және монша кешені бар жаңа демалыс аймағын салу бойынша ауқымды жоба іске асырылуда. Тағы екі заманауи аймақтың жобалары әзірленуде және қолданыстағы нысандар кеңейтілуде.

Туризмнің дамуына жергілікті биліктің қолдауы да ықпал етеді. Маңызды қадам – инфрақұрылымды жақсарту. Ең алдымен бұл жол, биыл 11 шақырым жол жөнделеді. Жағалауда электрмен жабдықтау желілерінің құрылысы жоспарланған, қазір жобалық-сметалық құжаттама әзірленуде.

Бұл жерге туристердің жайлы жетуін жеңілдету, жазда және қыста жайлы демалуы үшін барлық жағдай жасалуда.

Аида РАХЫМҚҰЛОВА