Өтінім қабылдау басталды
10 қыркүйектен бастап жастар кәсіпкерлігін дамыту мен қолдауға бағытталған Қарағанды облысы әкімінің гранттар конкурсына өтінімдер қабылдау басталды. Өтінімдер 10 қазан сағат 18:00-ге дейін қабылданады.
Конкурсқа 18-28 жас аралығындағы Қарағанды облысының тұрғындары қатыса алады. Қажетті құжаттар:
– жеке басын куәландыратын құжаттың көшірмесі;
– жобаның бизнес-жоспары;
– соңғы 36 айда «Бастау Бизнес» жобасы бойынша кәсіпкерлік негіздеріне оқыту курсынан өткенін растайтын құжаттың көшірмесі;
– соңғы 36 айда бизнес-жобаны іске асыру үшін қажетті кәсіптік дағдылар мен құзыреттер бойынша оқытудан, біліктілігін арттырудан өткенін растайтын құжаттың (сертификат, диплом) көшірмесі;
– қатысушының әзірлемеге (өнертабысқа, пайдалы модельге, өнеркәсіптік үлгіге) құқығын растайтын құжатының көшірмесі (патент, куәлік);
– ағымдағы банктік шотта қаражаттың болуы туралы анықтама;
– бизнес-жоспар жобасында пайдаланылатын жылжымалы және жылжымайтын мүлікке жеке меншікті растайтын құжаттардың көшірмесі не жалға алу шартының көшірмесі;
– соңғы 6 айдағы жеке зейнетақы шотынан үзінді көшірме;
– оқуды растау туралы оқу орнынан анықтама;
– жеке кәсіпкер ретінде мемлекеттік тіркеу туралы куәліктің көшірмесі;
– жеке кәсіпкердің ағымдағы банктік шотының болуы туралы анықтама;
– банкте несиелік берешектің бар (жоқ) екендігі туралы анықтама;
– жеке кәсіпкердің салық берешегінің, міндетті зейнетақы жарналары, әлеуметтік аударымдар бойынша берешегінің жоқ (бар) екендігі туралы анықтама. Өтінім мен құжаттар akimgranty09@yandex.kz поштасына бір pdf файлы ретінде қабылданады. Конкурс туралы толық ақпаратты: https://t.me/akimgranty09 немесе 8-778-630-73-97, 8-771-365-99-13 және 8-701-122-24-63 (WhatsApp, Telegram) нөмірлері бойынша алуға болады.
