Теміртаулық парадзюдошы күміспен күптелді

Дзюдодан Жапонияның Токио қаласында мүмкіндігі шектеулі спортшылар арасында «IBSA Judo Tokyo Grand-Prix 2023» турнирі өткен болатын. Сол турнирде өнер көрсеткен жерлесіміз Даяна Федосова күміс медаль жеңіп алды.

Теміртаулық спортшы облыстық мүгедектер спорт мектебінің өкілі. Былтыр Бакуде өткен әлем чемпионатында ІІІ орын иеленген болатын. Биыл Астанада өткен Азия чемпионатында да топ жарды.

Осы жолы аталмыш турнирден күміс медаль иеленіп отыр. Қарағандылық спортшы 57 келіге дейінгі салмақ дәрежесінде сынға түсіп, тек соңғы жекпе-жегінде қарсыласынан айласын асыра алмады.

Ербол ЕРБОЛАТ,
Ortalyq.kz