Бас тақырыпЖаңалықтар

Теміртауда Жастар саясаты жөніндегі кеңестің көшпелі отырысы өтті

Ерлан Қарин сапар аясында ішкі саясат мәселелері бойынша жиын өткізді. Басқосуға Қарағанды облысының әкімі Ермағанбет Бөлекпаев, қала және аудан әкімдері, аймақтағы мемлекеттік органдардың басшылары қатысты.

Суреттерді түсірген Жангелді ӘБДІҒАЛЫМ

Жиында Мемлекет басшысы Ұлттық құрылтайдың IV отырысында айқындап берген міндеттерді жүзеге асыру, ішкі саясат саласындағы жұмыстың басым бағыттары, соның ішінде қоғамдық келісімді, этносаралық және дінаралық татулықты нығайту, ономастика, ақпарат және жастар саясаты мәселелері талқыланды.

Одан кейін Мемлекеттік кеңесші өңірдің шығармашылық және ғылыми интеллигенция өкілдерімен кездесу өткізді. Пікір алмасу барысында Ерлан Қарин Ұлттық құрылтайда Президент көтерген әлеуметтік және мәдени-гуманитарлық бастамалар туралы айтты.

Бұдан бөлек, Мемлекеттік кеңесші Қазақстан Республикасы Президенті жанындағы Жастар саясаты жөніндегі кеңестің көшпелі отырысын өткізді. Басқосуда Қазақстан жастарын жұмыспен қамту және жұмысшы мамандықтарының мәртебесін көтеру мәселелері талқыланды. Кеңес отырысы аймақтағы ең ірі өндірістік кәсіпорын – «Qarmet» металлургиялық комбинатында ұйымдастырылғанын атап өткен жөн.

Сапар қорытындысы бойынша жастар саясаты және мәдени-гуманитарлық даму бағытында атқарылып жатқан жұмысты жетілдіруге қатысты нақты ұсыныстар әзірленіп, мемлекеттік органдарға тапсырмалар берілді.

Материалды әзірлеген Аида РАХЫМҚҰЛОВА

Басқа материалдар

Пікір үстеу

Э-пошта мекенжайыңыз жарияланбайды. Міндетті өрістер * таңбаланған

This site uses Akismet to reduce spam. Learn how your comment data is processed.

Back to top button