Сәуірдің 3-нен 4-не қараған түні Теміртау қаласының 27 жастағы тұрғыны оқ жарақатымен орталық ауруханаға түсті. Қазір полицейлер оқиғаға қатысы бар күтіктілерді іздестіруде.
– Аталған факті бойынша қылмыстық іс қозғалды. Оқиғаның барлық қатысушылары анықталды. Оларды ұстау мақсатында кешенді жұмыстар атқарылуда, – деп хабарлады Қарағанды облысы полиция департаментінің баспасөз қызметі.
Естеріңізге сала кетейік, бұған дейін атыс Қарағанды облысының Ағадыр кентінде болған. Полиция 28 мен 47 жас аралығындағы төрт күдіктіні ұстады.
Әділет ШОПЕН.
