Теміртау әйелдеріне қаланың дамуына қосқан үлесі үшін «Өрлеу» сыйлығы табыс етілді

Теміртауда әйелдердің әлеуметтік-экономикалық дамуына қосқан үлесі және қаланың қоғамдық-саяси өміріне белсенді қатысуы атап өтілді. Биыл мұнда алғаш рет әкімнің «Өрлеу» арнайы сыйлығы бекітілді.

Сыйлыққа үміткерлер саны көп болды. Комиссия бір аптадан артық кеңесіп, талқылады.

Нәтижесінде тоғыз лауреат анықталды.

«Мемлекеттік басқару» номинациясы бойынша қала әкімі аппаратының әлеуметтік бағдарламалар бөлімінің басшысы Захида Парижева мен «Теміртау қалалық санитарлық-эпидемиологиялық бақылау басқармасы» РММ эпидемиологиялық бақылау және қадағалау бөлімінің басшысы Людмила Ким марапатталды.

«Білім» номинациясы бойынша білім беру ісінің құрметті қызметкері және Аналар кеңесінің мүшесі Шамсибану Жалғасова үздік деп танылды. Әйелдің 55 жылдық өтілі бар, оның 40 жылға жуығы мектеп директорлары қызметінде.

– Мен әрдайым марапаттаулардан, сыйлықтардан бас тартатынмын. Тек жұмыс істедім, қоғамдық істермен айналыстым. Қиындықтар да, қуаныштар да болды. Маған ұнайтын. Осы күнге дейін қоғамдық жұмыспен айналысамын. Мені естерінен шығармағанына, еңбегімді бағалағанына марқайып қалдым. Мұғалімдер мен дәрігерлердің әлеуметтік саланы еске алғаны жақсы, – дейді Шамсибану Жалғасова.

«БАҚ» номинациясы бойынша сыйлық Журналистер Одағының мүшесі Серікгүл Алтайбаеваға табыс етілді.

Наталья Арыстанова үздік кәсіпкер деп танылды. Теміртау тұрғыны мемлекеттік тілдің дамуына үлкен үлес қосуда.

«Денсаулық сақтау» номинациясы бойынша Орталық қалалық аурухананың кардиолог дәрігері Наталья Усенко марапатталды.

– Мен үшін бұл сыйлық өте маңызды. Бұл менің еңбегімнің бағаланғанын, жұмысымның пайдалы екенін көрсетеді. Әйелдер әрқашан нәзік жандар деп саналды, бірақ іс жүзінде олай емес. Әрбір әйел өз кәсібінде көп нәрсеге қол жеткізе алады, біреуге үлгі бола алады, – дейді Наталья Усенко.

«Дарын» вокалдық студиясының жетекшісі және республикалық байқаулардың лауреаты Жанна Хасенова «Мәдениет» номинациясын жеңіп алды.

Велоспорттан КСРО спорт шебері, көптеген халықаралық жүгіру марафондарының қатысушысы Любовь Асанова «Жыл серпілісі» номинациясында марапатталды. ЮНЕСКО-ның білім, мәдениет, ғылым және спорт мәселелері жөніндегі комиссиясының бастамасымен спортшы «Әлем елшісі» атағына ие болды.

«Көп балалы ана» номинациясы бойынша сыйлықты Теміртау қаласының жұмыспен қамту орталығының әлеуметтік көмек көрсету бөлімінің консультанты Болат Рымальдқа табыс етті. «Күміс алқа» иегері бес баланың тәрбиесімен жұмысты сәтті үйлестіре білді.

Сыйлыққа үміткерлер мүсіншелермен және бағалы сыйлықтармен марапатталды.

Облыс әкімінің баспасөз қызметі.