Теміртау қаласының қоғамдық көліктерінде ONAY жүйесі іске қосылады

1 мамырдан бастап Теміртауда қоғамдық көліктерде ONAY электронды билет жүйесі жұмыс істей бастайды.

Сонымен қатар мамыр айында Теміртау қалалық автобустарында жол жүру ақысы өзгеріссіз қалмақ. Теміртау әкімдігі қазір қоғамдық көлікте жүруге сараланған тариф енгізу мәселесі қарастырылып жатқанын хабарлады. Жеңілдік карталарын алу үшін сіз Блюхер көшесі, 13 мекенжайында орналасқан қызмет көрсету бөлімшесінде, балалар үшін – мектептерде өтініш бере аласыз. Сондай-ақ Бірыңғай картаны қызмет көрсету орындарында немесе «Сарыарқанан» дүңгіршектерінен және «Южный» супермаркетінен сатып алуға болады.

Ілияс ДҮНГЕНБАЙҰЛЫ