Теңгеміз туралы толғаныс

Қарақұдық ауылдық кітапханасында Ұлттық валюта күніне арналған, «Ұлттық теңге – ел тәуелсіздігінің символы» тақырыбында лото ойыны өтті. Оқушыларды жан-жақты дамыту, өз ұлттық теңгеміздің айналымға кіруі, қалай, кімдер жасағаны туралы мағлұмат беру, басқа ел валюталарымен таныстыру, жаңадан айналымға енген ұлттық валюта, оны енгізудің қажеттілігі, безендірілуі туралы кеңірек таныстыру мақсатында ұйымдастырылды.

Ойын барысында балаларға сұрақтар қойылып,  жауаптарын алдарында тұрған карточкада көрсетілген бөшкелермен басып отырды. Шара барысында «Теңге – мемлекет келбеті» атты тақырыптық көрмемен таныстырылды. Оқушылар төл теңгеміздің шығу тарихымен, ұлттық валютамыздың жасалу ерекшеліктерімен, бейнеленген суреттердің мән-мағынасымен танысты.

Оқушылар  ұлттық тенге  туралы  тарихи деректерге көп мән беріп, теңге сөзінің шығуы, ежелгі ақшалар мен монеталдар туралы білді. Сонымен қатар көрмеге арнайы «Теңгенің тарихы» атты леп-бук жасалып, таныстырылды.

Ержан ИМАШ,
Ortalyq.kz