«Тарих дұрыс насихатталмайды»
1986 жылғы Желтоқсан оқиғасы – қазақ халқының бостандық пен әділеттілікке ұмтылған қайсар рухының символы. Бұл көтеріліс қазақ жастарының ұлт намысын қорғауға дайын екенін көрсетті.
Желтоқсан батырларының ерлігі бүгінгі ұрпақ үшін үлгі болуы тиіс. Алайда, кемшін түсіп жатыр. Бұл жас ұрпақ арасында тарихты оқыту мен насихаттаудың жеткіліксіздігі деп білемін.
Мойындау керек, қазір қазақылыққа ұмтылып, оны насихаттап жүрген жастар жетерлік. Оған алдыңғы буынның қолдауы маңызды.
Дегенмен, Желтоқсан рухы ұмытылмауы тиіс. Бұл оқиға тек өткеннің сабағы болғанымен, болашақ үшін тәуелсіздік пен бірлікті бағалауды үйрететін маңызды оқиға. Желтоқсанның маңызын түйсіну – әр қазақтың парызы.
Әділет АЙДАНБЕК,
М.Жұмабаев атындағы мектеп-гимназиясының 11 «А» сынып оқушысы.
