Алдын ала жоспарланған бағыт бойынша қозғалатын автобустарда шығармашылық жастар қала тұрғындарына әртүрлі жерлерде концерт береді деп жоспарлануда.

Мерекелік автобустардың бағыты туралы ақпаратты +7 702 303 94 66 нөмірі арқылы білуге болады. Қоғамдық көліктер  бүгін, сағат 11:00-де жолға шықпақ.

Ілияс ДҮНГЕНБАЙҰЛЫ.

Сообщение Қарағандыда «Наурыз керуен» атты мерекелік автобустар жолға шығады появились сначала на «ORTALYQ QAZAQSTAN» газеті.

Онкүндіктің әр күні қазақ халқы мен оның мәдениеті байлығы мен алуан түрлілігін көрсететін белгілі бір тақырып пен құндылықтарға арналады.

«Наурызнама» тұжырымдамасы аясында 14 наурыз «Көрісу күні – Амал мерекесі» көктем мен жаңа жылдың басталуын және ізгі тілектер мен игіліктер білдіру мақсатында туған-туыстарға, көршілерге, үлкен кісілерге сәлем беретін немесе қонақ күтетін уақытты бейнелейтін Наурыз мейрамын тойлау онкүндігінің бірінші күні болып саналады.

Естеріңізге сала кетейік, 2024 жылы Мемлекет басшысы Қасым-Жомарт Тоқаевтың бастамасымен Наурыз мейрамын тойлаудың жаңа форматы – Наурызнама онкүндігі енгізіліп, мерекенің жаңа логотипі бекітілді. Наурызнаманың әрбір күні қоғам өмірінің жекелеген аспектіне арналды. Бұл форматта мемлекеттік деңгейде Наурыз мейрамын тойлау мерекенің мағынасы мен мәнін тереңдетуге мүмкіндік берді.

Мәдениет және ақпарат министрлігінің хабарлауынша, «Наурыз» бірыңғай логотипіндегі үш қызғалдақ – уақыттың үш кезеңін, яғни еліміздің кешегі тарихын, қазіргі дамуын және келешек бағдарын бейнелейді. Тарихи тұрғыдан, Наурызнама – мыңжылдықтардан бастау алатын халқымыздың мәдени мұрасы.

Былтыр Наурыз қарсаңында Мемлекет басшысының төрағалығымен Атырау қаласында Ұлттық құрылтайдың үшінші отырысы өтті. Биылғы құрылтай Бурабайда өтуде.

15 наурыз – қайырымдылық, мейірім мен тату көршілік тақырыбына арналған «Қайырымдылық күні». Бұл күні жанашырлық пен өзара қол ұшын беру құндылықтарын қалыптастыруға бағытталған жаппай қайырымдылық шаралары өтеді.

16 наурыз – мәдени мұраны, өнерді және ұлттық салт-дәстүрлерді насихаттауға арналған «Мәдениет және ұлттық салт-дәстүр күні».

17 наурыз – отбасы құндылықтарды дәріптеуге бағытталған «Шаңырақ күні». Бұл күні үлгілі отбасыларға, адамгершілік тәрбие мәселелеріне арналған іс-шаралар өтеді.

18 наурыз – ұлттық киімді танымал етуге бағытталған «Ұлттық киім күні». Бұл күні стильдендірілген сән көрсетілімдері мен фестивальдар өтеді.

19 наурыз – елдің заманауи тарихындағы ауқымды өзгерістерге жол ашқан жаңа саяси кезеңнің бастауын бейнелейтін «Жаңару күні». Бұл күні көктемгі ағаш отырғызу дәстүрі жалғасын табады.

20 наурыз – «Ұлттық спорт күні». Бұл күні ұлттық спорт түрлерінен жарыстар мен турнирлер өтеді.

21 наурыз – Қазақстан халқының бейбітшілігі мен бірлігін бейнелейтін «Ынтымақ күні».

22 наурыз – «Жыл басы», оның аясында бұқаралық іс-шаралар мен халықтық мерекелер өтеді.

23 наурыз – Наурызнаманың қорытынды күні жаңа жылды тұтас ел болып жаңа мақсат, жаңа үмітпен қарсы алудың символы ретінде жалпыұлттық экологиялық акцияға арналған «Тазару күні». Суат көздерін, аулаларды қардан және қоқыстан, оның ішінде мерекелік іс-шаралардан кейін тазалау бойынша жаппай іс-шаралар өткізе отырып, «тазалық эстафетасын» іске қосу жоспарлануда.

10 күн ішінде бүкіл ел бойынша көрмелер, фестивальдар, әдеби-музыкалық кештер мен кино көрсетілімдері, қайырымдылық акциялары, мәдени-спорттық іс-шараларды қоса алғанда, әртүрлі форматтағы іс-шаралар өткізу жоспарлануда.

14-23 наурыз аралығында өтетін Наурызнамаға байланысты Наурыз мейрамындағы демалыс күндері өзгермейді. «Қазақстан Республикасындағы мерекелер туралы» заңға сәйкес, қазақстандықтар 21, 22, 23, 24 және 25 наурыз күндері қатарынан бес күн демалады.

Материалды әзірлеген: Ілияс ДҮНГЕНБАЙҰЛЫ.

Сообщение Бүгін елімізде жалпыұлттық Наурызнама онкүндігі басталды появились сначала на «ORTALYQ QAZAQSTAN» газеті.

(«Орталық Қазақстан», 31.12.2016 жыл)

     Жыл басы тышқан емес, Наурыз! «Орталық Қазақстанның» 2016 жылғы соңғы саны оқырмандарға біраз ой салды деп ойлаймын. Әсіресе, белгілі журналист Ерсін Мұсабектің Жаңа жыл жөніндегі ой-тамызығы.

    Жаңа жыл және оны қарсы алу­дың дәстүрге айналған белгілері өмірімізге қалай орнықты? Қоғамның ең таза, ең әлсіз буыны – балаларды сендіруден бастадық. Ертегілерді барынша шын­дыққа айналдырдық, олардың кейіп­керлерін балалардың ортасына жібердік. Кез келген жаңа­жылдық шыр­ша тойына бары­ңызшы, хайуанаттар әлеміне тап боласыз. Ең кең тараған ертегі – «Жан-жан­уарлардың жылға таласуы».

    Негізінен, тышқанның қалай жыл басы болғандығы жайлы әйгілі ер­тегіні тілі шыққан баладан сары тісті кәртамысымызға дейін жатқа білеміз. Онда тышқан өрмелеп, түйенің тө­бесіне шығып, келе жатқан жылды бірінші болып көреді. Қай заманда, қандай идеологиялық ықпалмен қулық (тышқан) кие-құтымыздың (түйе образы) төбесіне шығып, әмір жүргізе бастады, есімізде жоқ. Өкі­нішке орай, бұл ертегінің түрік жұр­тындағы мағына-мәнері бөлекше еді. М.Қашқари бабамыздың «Түрік сөздігі» энциклопедиясында (ХІ ға­сыр) бұл аңыз өзгеше айтылады. Оқиға Іле өзенінің бойында өтеді. Түрік қаға­ны бірнеше жыл ілгеріде өткен шайқас­ты талдап, өткеннен сабақ алмақшы болады. Бірақ, шайқас болған жылды анықтауда жа­ңы­лысады. Сол сияқты ел де бала­ларының жастарын, бастан өткен оқиғалардың мезгілін есептеу­де қателесе береді екен. Содан қаған халқын жинап, құрылтай өткізіп, былай дейді: «Біз бұл тарихты анықтағанда қалай қателессек, біздің келешек ұрпақтарымыз да солай қателеседі. Сондықтан, біз енді он екі ай мен он екі бұржыны негізге алып, әрбір жылға бір ат қояйық, бізден кейінгі жыл қайыру жылдардың айналысымен есептелсін, бұл біздің арамызда мәңгі бір жәдігерлік болып қалсын» (М.Қашқари. Түрік сөздігі. 1997 ж. А. 403-бет). Осылайша қаған аңға шығып, барлық хайуандарды Ілеге қарай қууды бұйырады. Ағысы қатты Ілеге тоғытылған аңдардан он екісі жүзіп шығады. Өзеннің арғы бетіне бірінші болып тышқан, одан кейін жыл атауларына ие жануарлар ретімен жүзіп шыққан екен. Бар-жоғы осы ғана. Бойына сеніп жылдан құр қалған түйе жарықтық ертегіге кейін кіргізілгенге ұқсайды.

    Әр жылдың бірінші қаңтарын қуа­нышпен қарсы алып, өткен жылға қо­рытынды жасау – жақсы және жа­ғымды дәстүр. Дегенмен, жыл басы – Наурыз. Ол – еңбек пен мейірім, төрт түлігің төл беріп, ырысыңды еселер мереке. Мәдениеттанушылар, ға­лымдар 1992 жылдан бері Наурызды өткізудің идеологиясын жасай алмай келеді. Біздің Ұлытау ауданында Борсеңгір деген ауыл бар. Ғұлама ғалымдар Ә.Марғұлан мен Қ.Сәтбаев жиі келіп, қазыналы қарттардың үйінде қона жатып, ұзақ таңда шежіре шерткен ауыл. Сол ауылда өткен ғасырда Кәрібайдың Данияры деген халық шебері өмір сүрді. Өткен ғасыр дегенде, тым алыс емес, 1971 жылы 95 жасында дүниеден өтті. Ә.Марғұлан атамыз сол қарияны мейлінше дәріптеп, есімін ең алғаш өзі құрастырған «Қазақ халқының қолданбалы өнері» кітабына енгізді. Сол кісінің келіні Рахия шешей сексеннен асты. Рахия жеңгей айтады: «Біздің әулетте жыл сайын ауылға наурыз көже беру дәстүрі үзілген емес. Менің өзім алпыс жыл жалғастырып келемін. Құдай қаласа келіндеріме аманат. Атамның айтуынша, 1932 жылы ғана көп көже беру қиын болыпты. Сонда да шешелеріміз қазанды асып жіберіп, елге қарасу қайнатып берген екен». Наурыз бабалар аманаты секілді, халықтың жадынан өшпеген, өшпейтін мереке. Түнгі 12-де Аяз атаны күтіп, шарап көтерудің орнына әр ауыл наурыз таңын бірге қарсы алып, Жаратушыдан Жаңа жылдың жарылқауын тілейтін күн туса. Ең болмаса, Қыдыр баба мінген түлік төресі – түйенің «ойдан шығарылған ертегіде» кеткен ақысы қайтар. Наурызда жер бетін Қыдыр аралайтынына менің балам да сенеді.

З.ҚАЗАНБАЕВА.

Ұлытау ауданы.

Сообщение «Аяз ата һәм Қыдыр ата» появились сначала на «ORTALYQ QAZAQSTAN» газеті.