– Қалада ағымдағы тариф – 80 теңге 2014 жылғы қаңтарда, 10 жылдан астам уақыт бұрын белгіленген. Тасымалдаушылардың негізгі шығындарының құны орта есеппен үш есе өсті, олардың қатарында: жанармай, шиналар, жағармай және жалақы. Шығындардың ұлғаюы, жылжымалы құрамды жаңарту, жаңа маршруттардың іске қосылуын субсидиялау қажеттілігінің өсуіне әсер етеді. Әлеуметтік-экономикалық жағдайды ескере отырып, сондай-ақ субсидияларға қажеттілікті және бюджетке түсетін жүктемені азайту үшін біз жол ақысын қолма-қол ақшасыз төлеу үшін 20 теңгеге және қолма-қол есеп айырысу кезінде 200 теңгеге дейін тарифті арттыруды ұсынамыз. Өсім 25 пайызға артады, – деді сессияда Қарағанды қаласы әкімінің орынбасары Рүстем Қожақапанов.

Бүгінгі таңда субсидиялау үшін пайдаланылатын орташа есептік тариф 375 теңгені құрайды.

Тарифті көтеру – мәжбүрлі шара деп атап өтті сессияда Қарағанды қаласының әкімі Мейрам Кожухов. Жол ақысын көтеру арқылы ғана тасымалдаушылар көрсетілетін қызметтердің сапасын сақтай алады.

– Бірнеше жыл бұрын кейбір маршруттар қысқартылып, автобустар жолда бұзылып, желіге көліктің тиісті саны шықпайтын. Атқарылған жұмыстың арқасында біз бұл мәселелерді ішінара шеше алдық. Қазір жылжымалы құрам 80 пайызға жаңартылды, 328 автобус сатып алынды, оның 146-сы өткен жылы жаңартылды. ONAY! жүйесін енгізудің арқасында қалалық маршруттар оңтайландырылды, тасымалдаушылар жоспарларын алып тастады, жолаушылар жинау жарысы тоқтады. Танымал маршруттар жұмыс уақытын ұлғайтты, – дейді Мейрам Кожухов.

Аида РАХЫМҚҰЛОВА,

Ortalyq.kz

Сообщение Қарағандыда мамыр айынан бастап жол ақысы қымбаттайды появились сначала на «ORTALYQ QAZAQSTAN» газеті.

– Тариф көтерілген жағдайда билік тасымалдаушылардан Қарағанды мен қала маңындағы аудандарға қызмет көрсететін автобустардың жұмыс уақытын ұзартуды талап етеді. Осыған орай автобустардың жұмыс уақыты кешкі 23:00 дейін ұзартылуы мүмкін, – дейді жолаушылар көлігі және автомобиль жолдары басқармасының басшысы Мақсұт Қожанов.

Басқарма басшысының айтуынша, күн сайын 320 мыңнан астам қоғамдық көлік қызметін тұтынады. Оның ішінде облыс орталығы мен серіктес қалалар арасында күн сайын 35 мың адам жүреді. Жолаушылардың 95%-ы қолма-қол ақшасыз төлейді. Сондай-ақ, биыл Балқашқа 29 және Абай ауданы үшін 8 жаңа автобус сатып алу жоспарланған. 47 ауданаралық маршрут жұмыс істейді. Нұра және Ботақара кенттерінде, Қарқаралыда автобустар іске қосылды.

– Өткен жылы 195 автобус жаңартылды. Соңғы 10 жылда алғаш рет 44 автобус серіктес қалалармен байланыстыратын қалааралық маршруттарда ескірген жылжымалы құрамды ауыстыруға жіберілді. Осының есебінен Қарағанды маңына қызмет көрсететін автобустардың шамамен 50%-ы жаңартылды. Барлық дерлік жаңа автобустар ерекше қажеттіліктері бар адамдарға бейімделген. Арнайы тұтқалар, пандустар бар. Қарағанды бойынша автобустардың «орташа жасы» – 7 жыл. Бұл – біздің республикамыздың басқа қалаларымен салыстырғанда өте жақсы көрсеткіш, – дейді Мақсұт Қожанов.

Қоғамдық көлікті цифрландыру да жалғасуда. ONAY! жүйесі 2023 жылы Балқаш пен Саранда енгізілді. Биыл Теміртау мен Шахтинск қалаларында электронды билеттеу жүйесін іске қосу жоспарлануда.

Аида РАХЫМҚҰЛОВА,

Ortalyq.kz

Сообщение Қарағандыда жолақы екі жүз теңгеге дейін қымбаттауы мүмкін появились сначала на «ORTALYQ QAZAQSTAN» газеті.