Жалында, жарқырай түс, Жастар жылы,

Төбемізден төгілсін аспан нұры.

Айбатты да, қайратты алаулаған,

Біз боламыз дәуірдің дастан, жыры.

Жастар жылы, кел бері, қолыңды бер,

Жыл бол бізге жыр мен күй төгілдірер.

Дипломның қызығын көрмей жүрген,

Достарыма көбірек көңілді бөл.

Бір бақытқа бөлеші ауылымды,

Бұл уақытқа көрсетші тәуір үлгі.

«Нұр Отан» – бізге сенім артып отыр,

«Жас Отан» – көрсет жастық жалыныңды.

Біздің Жастар өзгеге сыйлы болсын,

Басымызға баянды күйді берсін.

Үйсіз жүрген замандас үйлі болсын,

Мисыз жүрген замандас милы болсын.

…Бір кездері Жас болған бар алыбың,

Солар айтар: Бас пен Жас аралығын.

Тоқ болсыншы көңілі тату елдің,

Көп болсыншы, сүйіншілер жаңалығың!

Мұқағали СЕЙТҚАЗЫ.

ҰЛЫТАУ ауданы.

Сообщение Жастар жылы появились сначала на «ORTALYQ QAZAQSTAN» газеті.

Жарыстың жалауы бүгін желбіреді. Үш күн бойы қатысушылар шағын футболдан, әскери-қолданбалы спорт түрлерінен, шахматтан, үстел теннисінен, баскетболдан және тоғызқұмалақ ұлттық ойынынан жарыспақ. Жеңімпаздарды марапаттау салтанаты 28 сәуірде өтеді.

Жарыс аяқталғаннан кейін іріктеу турында қолданылған барлық спорттық құрал-жабдықтар облыс мектептеріне сыйға беріледі.
«SportFEST Kazakhstan» Жастар жылы аясында ұйымдастырылған. Бұл – бұқаралық спортты, салауатты өмір салтын және жастар арасында патриоттық тәрбие беруді насихаттауға бағытталған жоба.
Жастар жобасын «Менің елім» әлеуметтік инвестициялар бағдарламасы аясында «Samruk-Kazyna Trust» әлеуметтік жобаларды дамыту қоры мен «Коммуникативтік бастамалар мен стратегиялар Қоры» ЖҚ бірлесіп өткізуде.

Сообщение Облыс оқушылары «SportFEST Kazakhstan» республикалық спартакиадасында бақ сынауда появились сначала на «ORTALYQ QAZAQSTAN» газеті.

2019 жыл Жастар жылы деп жарияланғаны белгілі. Бұл байқау – өз туған қаласы Қарағанды туралы лирикалық шығармалар жазатын дарынды жастарды қолдау және дарынды балалардың шығармашылығын кеңінен насихаттау мақсатында ұйымдастырылды.

Балалардың өнері мен қабілетін «Қарағанды облысының балалар және жастар одағы» ЖҚБ төрағасы Жомарт Әбішев, ақын журналистер Жәлел Қуандықұлы мен Наталья Морозова бағалады.

– Бұл дода – жасөспірімдер мен жастардың поэзияға, ақын-жазушылардың шығармаларына деген қызығушылығын қолдауға, одан әрі дамытуға, көркем талғамға бейімділікке тәрбиелеуге, шаршы топта сөз сөйлеу дағдыларын дамытуға, үздік оқырмандарды анықтауға, оларға өздерінің дарынын көрсетуге мүмкіндік берді, – дейді кітапхананың орта және үлкен жастағы мектеп оқушыларына қызмет көрсету бөлімі меңгерушісі Марина Подгайнова.

Байқауға қатысушылар «Авторлық оқылым» және «Қарағандылық ақынның өлеңін оқу» номинациялары бойынша сынға түсті.

Сайыс өте тартымды болды. Бірінен-бірі асып түсіп жатқан үштілді озат оқушылар көпшілікке тартымды кеш сыйлады. Арасында кешке қонақ болып келген өнерпаздар ән шырқап, би биледі.

Сайыс қорытындысына сәйкес, «Авторлық оқылым» номинациясы бойынша «Киелі Қарағанды» шығармасымен №1 білім-инновациялық лицейінің оқушысы Серік Құрмансейіт III орынға тұрақтаса, «Альтер» еркін даму мектебінің 5-сынып оқушысы Диана Магамадова «Караганда – любимый город» туындысымен II орынды иеленді.

Қарағанды жайлы ерекше поэтикалық диалогтарын шебер оқып, көпшілікті баурап алған «Альтер» еркін даму мектебінің 10-сынып оқушылары Владислав Мартынов пен Руслан Рымбаев I орын биігінен көрінді.

Келесі номинация бойынша нашар шығармаларды нақышына келтіре оқып, керісінше, тамаша туындыларды өз деңгейінде шебер жеткізе алмаған оқушылар да болды.

№21 орта мектебінің мектебінің 7-сынып оқушысы Сабина Шаметова Максим Горбунов атты жас қаламгердің «Мой город» шығармасын оқып, I орынды иеленсе, Тірек-қозғалыс аппараты бұзылған балаларға арналған Қарағанды облыстық мектеп-интернатының 10-сынып оқушысы Нұргүл Рымбек, жас ақын Айтуар Бекежановтың «Қарағанды аялдама» өлеңін оқып, II орын жүлдесін жеңіп алды. Ал, Вячеслав Савинов есімді жас ақынның «Моя Караганда» өлеңін мәнерлеп оқыған №17 орта мектептің 11-сынып оқушысы Мария Меженинаға III орын бұйырды.

Номинация жеңімпаздары мен жүлдегерлері дипломдармен және бағалы сыйлықтармен марапатталды. Байқауға қатысқандардың барлығына сертификат берілді.

Қазылар өздеріне тарту етілген Қарағанды қаласының энцклопедияларын талапты оқушыларға сыйға тартып, көздеріне қуаныш ұялатты.

Байқауда жеңімпаз болған авторлық шығармалар кітапханалық альманахы – «Қауырсын қаламда» жарияланады.

Өз тілшімізден.

Сообщение Мәнерлі жыр сайысы появились сначала на «ORTALYQ QAZAQSTAN» газеті.

Облыс жастарының әлеуметтікэкономикалық тұрғыдағы көкейкесті мәселелерін талқыға салатын алаңы болуын мұрат тұтып, оның құрылуына ынталылық танытқан тараптар – «Қарағанды облысының Кәсіподақ орталығы» аумақтық кәсіподақтар бірлестігінің «Келешек» жастар кеңесі, Қарағанды облысының жастар ресурстық орталығы және Қарағанды мемлекеттік техникалық университетінің «Жас Орда» студенттер кәсіподағы.

Жастар лагерінің салтанатты ашылу рәсімінде Қарағанды облысы Кәсіподақ орталығының төрағасы Болат Жұмабеков, облыстық жастар ресурстық орталығының директоры Ақжол Құрмансейіт, «Тау-кен металлургия кәсіпорындары және аралас өнеркәсіптердің салалық «КәсіпҚорған» кәсіподағы» қоғамдық бірлестігі төрағасының орынбасары Жанат Сәменов, білім және ғылым қызметкерлері Теміртау қалалық кәсіподақ комитетінің төрайымы Маргарита Бикмухаметова және басқалары жүрекжарды лебіздерін білдіріп, жас буын өкілдеріне сәттілік тіледі.

Сол күні «Қарағанды облысының Кәсіподақ орталығы» аумақтық кәсіподақтар бірлестігінің «Келешек» жастар кеңесінің ұйытқы болуы және Қарағанды облысының жастар ресурстық орталығы мен Қарағанды мемлекеттік техникалық университеті «Жас Орда» студенттер кәсіподағының қолдау көрсетуі негізінде жылжымалы лагерь жұмысы ұйымдастырылды. Аталған іс-шара Қазақстан Республикасы Кәсіподақтар федерациясын жаңғырту бағытындағы 2018-2019 жылдарға арналған Жол картасын жүзеге асыру аясында іске асырылғанын айта кеткен абзал. Оның басты межесі – жұмысшы және студент жастарды жаңғыру жаңалықтарын жылдам қабылдауға қалыптастыру, тың мазмұндағы білім мен заманауи технологияларды меңгеруге бейімдеу.

– Жылжымалы лагерь жұмысына 100-ден аса жас буын өкілдері қатысқанын атап өткен жөн. Жас мамандар мен студенттер екі күн бойы түрлі семинар-тренингтерде өз машықтарын жетілдіріп, біліктіліктерін арттырды. Тренингтер «Медиацияға кіріспе. Еңбек дауларын шешу әдістері», «Customer Development ntvf», «Қазақстан Республикасының еңбек заңнамасына сәйкес жұмыскердің құқығы», «Цифрлық Қазақстан» тақырыптары бойынша ұйымдастырылды.

Ұжымдық үндестік пен ауызбірлікті нығайту мақсатында спорттық-сауықтыру ойындары өткізіліп, оған қатысушылар топ-тобымен сайысты.

Кәсіподақ және еңбек заңнамалары тақырыбы шеңберінде ұйымдастырылған танымдық мазмұндағы ойындар да жастардың құлшынысын оятуға дәнекерлік етті. Кешенді бағдарлама соңында оған қатысушылар тәжірибелік жұмыстар жасап, әлеуметтік-экономикалық мәселелерді шешуге бағытталған жобаларды талқыға салды.

Екі күннің қорытындысымен 8 топтың ішінен жеңімпаз атағына «Болашақ» тобы ие болды. Жеңімпаз және жүлдегер топтардың мүшелеріне Қарағандыдағы «Сарыарқа» кинотеатрына кіру билеттері, алдағы ақпан айында Қарағанды қаласында өтетін әнші Нұржан Керменбаевтың концертін тегін тамашалау құқын беретін құжаттар табыс етілді, – дейді Қарағанды облысының Кәсіподақ орталығы «Келешек» жастар кеңесінің төрайымы Дария Хамитжанова.

Ахат ҚҰРМАНСЕЙІТОВ,
«Орталық Қазақстан»

Сообщение “КЕЛЕШЕК” лагері – кемелдену жолы появились сначала на «ORTALYQ QAZAQSTAN» газеті.

  23 қаңтарда Астанада Қазақстандағы жастар жылының ресми ашылуы өтеді. Аталған іс-шара елімізде мемлекеттік жастар саясатын жан-жақты қолдау мен жүзеге асыруға бағытталған ауқымды  іс-қимыл жоспарын іске асыруға бастау болмақ.  Аталған іс-шара үшін арнайы «Жастар жылының» логотипі әзірленді, онда жыл сайынғы көші-қон кезіндегі тырналардың ұшуы көрсетілген. Ұшудың бұл тәсілі- үлкен құстарға энергияны көп қажет ететін қашықтықты еңсеруге мүмкіндік береді. Ұшу барысында әрбір құстың қанатының соңында әуе кептелісі пайда болады, осының арқасында құстар жинақыланып, бірлескен қимылдың арқасында қосымша көтерілу күшіне ие болады.

Бірлескен табысты ұшудың негізгі ережесі – топ пен барлық еңбектің нәтижесін қатамасын ететін адал қарым-қатынастар.  Аталған бастама жастардың өзара іс-қимылын көрсетудің ең жақсы тәсілі болып табылады. Тырналар мәңгілік жастық,  бақыт пен сәттілікті бейнелейді. Жастар саясатындағы негізгі жетістіктерге  бірлескен күш-жігерлер, тәжірибе алмасу және жастардың білімі арқылы қол жеткізілді.

Авторлар логотиптің түстік гаммасына ерекше көңіл бөлген. Мысалға сары түс – позитивті энергетиканы, мерекені, күннің нұрын, көгілдір түс – кеңшілдікті, шығармашылық әлеует пен достық қарым-қатынасты білдіреді. Көк түс- рухани тазалық мен кемелдікті, қызғылт-сары түс – тұрақтылықтың, қуаныштың, достық қарым-қатынастың символы болып табылады.  

Сообщение Жастар жылының логотипі бекітілді появились сначала на «ORTALYQ QAZAQSTAN» газеті.