«Бүгін ұлттық өнердің майталманы Қайрат Байбосыновқа «Қазақстанның Еңбек Ері» атағы беріледі. Халқымыздың жан-дүниесін айшықтай көрсететін халық өнері әрдайым төрде болуы керек. Бұл марапат – әйгілі әншінің өлшеусіз еңбегі мен ұлттық өнерімізге деген ерекше құрметтің белгісі», деді Қасым-Жомарт Тоқаев.

Ілияс ДҮНГЕНБАЙҰЛЫ.

Сообщение Қайрат Байбосынов – «Қазақстанның Еңбек Ері» появились сначала на «ORTALYQ QAZAQSTAN» газеті.

Премьераның шығуына орай Димаш челлендж жариялады: трекке түсірілген ең қызықты және көп қаралған видео үлкен сыйлыққа ие болады!

dimash.news жазғандай, оның қорытындысы 26 мамырда Алматыда өтетін концертте/фан-кездесуде жарияланады.

Материалды әзірлеген: Ілияс ДҮНГЕНБАЙҰЛЫ.

Сообщение Димаш Құдайберген челлендж жариялады появились сначала на «ORTALYQ QAZAQSTAN» газеті.

– Бибігүл Ахметқызының 95 жасын лайықты атап өту – Қазақстандағы әлемдік маңызы бар оқиғалардың бірі. Халық әртісі біздің елімізге ғана емес, шетелге де танымал. Ол қазақ халық музыкасы мен Қазақстан композиторларының шығармашылығын дамытуға және насихаттауға зор үлес қосқан тұлға. Құрманғазы атындағы Қазақ ұлттық консерваториясының оқытушысы ретінде Бибігүл Ахметқызы белгілі опера әншілерін тәрбиеледі. Оның бүкіл өмірі сахна мен халыққа арналған, – дейді і шараны ұйымдастырушылар.

Концерттің басталуы сағат 16:00-де. Кіру тегін.

Ілияс ДҮНГЕНБАЙҰЛЫ.

Сообщение “Бұлбұл үнді Бибігүл” гала-концерті өтеді появились сначала на «ORTALYQ QAZAQSTAN» газеті.

15 ақпанда Халықаралық көші-қон ұйымы жаңа ізгі ниет елшілерінің тағайындалғанын хабарлады.

Қазақстандық музыкант, әнші және композитор, Қазақстанның халық әртісі Димаш Құдайберген Халықаралық көші-қон ұйымының аймақтық ізгі ниетті елшісі (Азиядағы аймақтық рөлі) болып тағайындалды.

Халықаралық көші-қон ұйымы – көші-қон саласындағы жетекші үкіметаралық ұйым. Ол гуманистік және тәртіпке негізделген көші-қон мигранттар мен қоғамға тек пайда әкеледі деп есептейді.

Халықаралық көші-қон ұйымы Біріккен Ұлттар Ұйымының жүйесіне 2016 жылы ассоциацияланған ұйым ретінде қосылғанын еске түсіре кетейік.

– Мен Халықаралық көші-қон ұйымының ізгі ниетті елшісі ретінде мигранттардың құқығын қорғауды мақтан тұтамын. Әрбір адамның құқы мен мүмкіндіктері үшін аспаны ашық бейбіт әлемді бірге құрайық, – деді Димаштың өзі.

Материалды әзірлеген Аида РАХЫМҚҰЛОВА

Сообщение Димаш Құдайберген БҰҰ ізгі ниетті елшісі болды появились сначала на «ORTALYQ QAZAQSTAN» газеті.

– Осы материалды қарау барысында алқа бұрын жұбайына бірнеше рет ұрып-соғу фактісінің болуына байланысты тағайындалған жаза бөлігінде бірінші сатыдағы соттың қаулысымен келіспеді. Алматы қалалық соты алқасының қаулысымен Алматы Әкімшілік құқық бұзушылық жөніндегі мамандандырылған ауданаралық соттардың қаулысы өзгертілді, – делінген сот хабарламасында.

Сот алқасының қаулысымен Тұрлыхановқа қатысты жазалау шарасы ескертуден баптың санкциясы шегінде 10 тәулік мерзімге әкімшілік қамаққа алуға өзгертілді. Қаулы заңды күшіне енді.

Еске салайық, бұған дейін әнші Рахат Тұрлыхановқа қатысты іс сотта қаралып жатқаны хабарланған болатын. Алматының әкімшілік құқықбұзушылық жөніндегі мамандандырылған ауданаралық сотының сайтында ақпараттың рас-өтірігін тексерілген еді. 3 қаңтарда Рахат Тұрлыхановқа қатысты іс қарауға қабылданған.

Артынша әнші кінәсін мойындап, әкімшілік ескерту түрінде әкімшілік жазаға тартылған болатын. 

Кейіннен Рахат Тұрлыханов пен жұбайы Алтынай кейінгі жағдайға қатысты пікір білдірді. 

– Бәріңізге сәлем. Бұл – Рахат Тұрлыханов және жұбайым – Алтынай. Кейінгі жаңалықтарға байланысты пікір білдіруді ұйғардық. Алтынай бәрін өзі айтса, дұрыс шығар, – дейді видеода әнші.

– Рахатпен арамызда бәрі жақсы. Рахат – қамқор, мейірімді күйеу, әке. Иә, барлық отбасында болатыны секілді біздің де арамызда ұрыс, түсініспеушіліктер болды. Бірақ барлық жағдайды білмесе де оны жаман жағынан көрсетіп жатыр. Бәріңіз алаңдап жатсыздар, алаңдайтындай ештеңе жоқ. Бізді бәрі жақсы, – дейді әншінің жұбайы видеода.

Материалды әзірлеген Ілияс ДҮНГЕНБАЙҰЛЫ.

Сообщение Әнші Рахат Тұрлыханов қамауға алынды появились сначала на «ORTALYQ QAZAQSTAN» газеті.

Жастайынан ерекше дауысымен есті әнге әуес, талғамы биік тыңдарманды жалт қаратты. Содан бері халықтың ыстық ықыласына бөленіп, өнер мен абырой биігінде бола білді.

Мейірхан Адамбековтің орындауындағы «Шайтанкөл» әні Арқа жұртының сүйіп тыңдайтын туындысына айналған. Өйткені, ол әнді Мейірхан Сәйдіұлы сияқты нақышына келтіре орындайтын әнші кем де кем.

Дүлділ әншінің қазасы қалың қазақтың қабырғасын қайыстырып, көңілін ортайтты. Соңында сара жолын жалғайтын талантты ізбасарлары қалды.

Алла Тағала алдыңыздан жарылқап, мейіріміне бөлесін Сізді, Мейірхан аға!

Облыстық «Орталық Қазақстан» газетінің ұжымы марқұмның туған-туыстарының қайғысына ортақтасып, көңіл айтады.

Мейірхан Сәйдіұлы АДАМБЕКОВ – 1958 жылы 1 шілдеде Қарағанды облысы, Қарқаралы ауданы, Томар ауылында туған.

Алматы эстрада-цирк студиясын (Ж.Елебеков класы бойынша педагог Ж.Кәрменовтен) тәмамдаған.

1978 жылдан – Қарағанды облысы Қарқаралы ауданы мәдениет бөлімінің автоклуб меңгерушісі.

1981 жылдан – Қарағанды мемлекеттік филармониясының солист-вокалисі.

1987 жылдан – Қарағанды почтамтының инструкторы, жабдықтау жөніндегі инженері.

1993 жылдан – Қарағанды облыстық халық шығармашылығы және мәдени-игілік қызметі орталығының бөлім меңгерушісі.

1996 жылдан – Қарағанды музыка училищесі халық әндері бөлімшесінің меңгерушісі.

2003 ж. Қазақстан-Ресей университетін бітірген.

2008 жылдан – Қ.Байжанов атындағы Қарағанды концерт бірлестігінің солист-вокалисі, Тәттімбет атындағы өнер колледжінде халық әндері бөлімінің меңгерушісі.

Өмірінің соңғы жылдарында Тәттімбет атындағы өнер колледжінің директоры қызметін абыроймен атқарды.

Халық композиторлары Біржан мен Ақан Серінің, Жаяу Мұса мен Мәдидің, Шашубайдың, Естай мен Ғазиздың және тағы басқа әндерді ұлттық нақышпен орындағанда сай-сүйегіңді сырқыратардай сиқырлы дауыс иесі еді.

Ә.Қашаубаев атындағы республикалық конкурстың лауреаты (1980).

Қазақстан Республикасының еңбек сіңірген қайраткері (2000).

Қазақстан өнер шеберлері қатарында Франция, Швеция, Австрия, Болгария, Голландия, Венгрия, Ресей сияқты елдерде өнер көрсеткен.

Марқұмға арналған қонақасы 2020 жылдың 19 қаңтары сағат 17.00-де «Vogue» мейрамханасында (Қарағанды қ.,  Степной 1.,  2/2) беріледі. 

Жаназа намазы 2020 жылдың 20 қаңтары сағат 10.00-де Әл-Машани атындағы қалалық мешітте (Қарағанды қ.,  Кувская 1а) өтеді.

2020 жылдың 20 қаңтары сағат 13.00-де «Vogue» мейрамханасында марқұмға ас беріледі.

Үйінің мекенжайы: Қарағанды қ., Орбита 2.,  35 үй,  70 пәтер.

Сообщение АЛДЫҢЫЗДАН ЖАРЫЛҚАСЫН, МЕЙІРХАН АҒА! появились сначала на «ORTALYQ QAZAQSTAN» газеті.

Ақырап (қазан) айында Арқада жер де, көк те Қорабай дедік қой. Өнер әлемінде осынша салмағы болмаса, ел төбесіне көтере ме? «Тәңірінің берген өнерін» (Абай) ұстаған ерге құрмет! Қазақта гитара ұстағандардың атасы – Қорабай! Қарағандыдағы концертінде де Кеншілер мәдениет сарайы лық толып отырған. Жаңаарқадағы осы жолғы кешінде де халық қарасы көп болды. Мәдениет үйі аузы-мұрнынан бірақ шықты. Төрде – жеті ішекті гитараның құлағында ойнаған Қорабай Есенов. «Жас қалам», «Жалғыз аққу», «Қоштасу», «Досыңның көзін ұғарсың», «Мәңгі шырақ», тағы басқа әндерін шырқады. Халық сілтідей тынып тыңдады. Алаштың айтулы ақыны Кәкімбек Салықовтың өзі айтпай ма? «Қорабай әншілік әлеміндегі зор құбылыс! Қазақ сахнасында гитарасымен қоса сан тармақты әуен сырын ашқан соны буын.

Заманға сәйкес туған ерекше тұлға» деп. Қорабай ағаның шәкірті, қазақ эстрадасының жұлдызы, әнші Сейіл Аяған «жүз гитарашы жалғыз Қорабай ағаға жетпейді. Ол кісі жеті ішекті гитарасымен ән салғанда, симфониялық оркестр сүйемелдеп тұрғандай көрінеді» дейді ылғи. Қазақстанның еңбек сіңірген қайраткері Қорабай мектебінің өкілдері еліміздің түпкір-түпкірінде бар десек те, туған жері Жаңаарқа өлкесінде жақсы қалыптасқан екен. Бір ерекшелігі, бұл жақтың гитарашыларының көбі алты ішекті місе тұтпай, Қорекеңше жеті ішекті гитараның құлағына жармасыпты. Қорабай аға мектебінің көрінісіндей, Жаңаарқа жерінде «Шырқа, гитара!» атты гитарашылар байқауы өтіп тұратынын біз осы кеште білдік. Сонда қатысушылар шығып, ұстаздарын ортаға алып, гитарамен хорға басты. Аудан әкімі Юржан Бекқожин лебіз білдірді. «Киелі де қасиетті Жаңаарқа жерінен талай өнер иелері қанат қақса, сол тау тұлғалардың арасында алмас қылыштай жалтылдап, ерекше дауыс ырғағымен, қайталанбас үнімен ең биік шыңға жеткен бірегей әншісіз. Сіздің орындаған әндеріңіз бүгінде барша жұрттың жан серігіне айналғанын білеміз. Табиғи дарыныңыз бен қайталанбас дауысыңызға жерлестеріңіз қашанда тәнті және сізді мақтан тұтып, ерекше қадірлейді. Кешіңіз құтты болсын!», – деді аудан басшысы Юржан Асанұлы.

Қазақ гитарашыларының піріне айналған әншінің туған жері Жаңаарқа ауданының орталығында өтті демесе, кеш республикалық сипат алды. Ән думанының тізгінін филология ғылымдарының докторы, профессор Жансая Жарылғап ұстады. Белгілі дәстүрлі әншілер Ғалым Мұхамедин мен Серік Оспанов тарту-таралғыларын жасап, әуелете ән шырқады. Есімін ел білетін физик, «Ғасыр адамы», профессор Темірғали Көкетай, қоғам қайраткері Оралбай Әбдікәрімов, тағы басқа ел ағалары өнер иесіне жылы лебіздерін білдірді. Әнші Сейіл Аяған Шәмшінің «Сағынышым менің» әнін орындады. Белгілі актер Қанат Жүнісов «Сұңқар Сәкен» монологын оқыды. Сонау Батыс Қазақстаннан келіпті қонақтар. Табылды Досым атындағы республикалық қоғамдық қордың төрағасы, ақын Бижан Қалмағанбетов кеш иесінің кеудесіне «Ақтөбе тарихи тұлғаларының» медалін қадады. Бір кездері Қорекеңе Атыраудан келіп, сәлем беріп, батасын алған қазақтың бард әншісі Табылды Досымның ұлы, әнші Абыл Досым болса, әкесінің ән жинағын сыйға тартып, гитарамен әнге басты. Арқа даласына Атыраудың сәлемі осылай жетті.

Сообщение Қорекең қазан айын әнге бөлеп… появились сначала на «ORTALYQ QAZAQSTAN» газеті.