Қарағанды облысында әйелдер істері және отбасылық-демографиялық саясат жөніндегі өңірлік комиссияның мүшелері Шет ауданында зардап шеккен ауыл тұрғындарына көмек қолын созды.

Нақтырақ айтсақ, 30 тонна гуманитарлық жүк жөнелтілді. Оның ішінде, жөндеу жұмысына қажетті цемент және азықтүлік бар.

– Халықаралық Отбасы күнінде су тасқынынан зардап шеккен аймақтарға гуманитарлық көмекпен керуендер жолға шықты. Жерлестерінің қайғы-қасіретіне ешкім бейжай қарамайды. Шет ауданында зардап шеккендер үшін біз 30 тонна көмек жинадық. Красная Полянадағы үйлерді жөндеуге цемент қажет екенін білдік. Сондықтан, бұл жүктің негізгі бөлігі – 20 тонна цемент. Сондай-ақ, азықтүлік өнімдері, макарон, қант және тағы басқа қажеттіліктер бар, – деді Әйелдер істері және отбасылық-демографиялық саясат жөніндегі ұлттық комиссияның мүшесі Ләззат Қожахметова.

Көмек жинауға кәсіпкерлер, Қызыл Жарты Ай қоғамының облыстық филиалы көмектескенін атап өткен жөн.

Сонымен қатар, Қарағанды қаласындағы Назарбаев Зияткерлік мектебінің оқушылары қайырымдылық жәрмеңкесін өткізіп, сатудан жиналған қаражатты жиып, су тасқынынан зардап шеккендерге көмек ретінде берді.

– Елде осындай оқиға болған кезде біз қол қусырып отыра алмадық. Су тасқынынан зардап шеккен отбасыларға көмектесу үшін қайырымдылық жәрмеңкесі мен фильм көрсетілімін өткіздік. Өз қолымызбен жасалған заттарды саттық. 300 мың теңге жиналды. Бізде жыл сайын қайырымдылық жәрмеңкелері өтеді. Атап айтқанда, бұған дейін емдеуді қажет ететін балаларға қайырымдылық жасалды. Бір-біріңізге көмектесуді ұмытпаңыздар. Біз бірге болғанда ғана күштіміз! – дейді ­Назарбаев­ Зияткерлік мектебінің 9 сынып оқушысы Назым Отыншиева.

Алдағы уақытта Әйелдер істері және отбасылық-демографиялық саясат жөніндегі өңірлік комиссияның мүшелері Шет ауданында кездесулер өткізуді жоспарлап отыр.

Елімізде орын алған су тасқынының салдарынан зардап шеккен азаматтар осылайша қажетті көмекке қол жеткізіп отыр. Мемлекет басшысы Қасым-Жомарт Тоқаевтың тапсырмасымен биыл бірқатар мерекелерді тойлау тоқтатылды. Өйткені, осындай қиын шақта той тойлап жүру ақылға сыймайды. Мұндайда ел болып бірігіп, қиындықтан шығар жол іздеу құба-құп.

Өз тілшімізден.

Сообщение Күш – бірлікте появились сначала на «ORTALYQ QAZAQSTAN» газеті.

Көршілес өңірге гуманитарлық көмекті жинауға Қарағанды облысының тұрғындары, кәсіпкерлер, еріктілер, аймақ жамағаты және т.б адамдар қол ұшын созды.

Шараға облыстың бас имамы Естай Айтуғанұлы арнайы қатысып, қайырымдылық асарын жүзеге асыруға демеуші болған барша облыс тұрғындары мен жамағатқа алғысын білдіріп, игі іс жолында сапарға шыққан жолаушыларға сәттілік тілеп, батасын берді.

Солтүстік Қазақстан облысына жіберілген гуманитарлық көмектің ішінде азық-түлік, жылы киімдер, көрпе, ыдыс-аяқ, күрек, қап, резеңкелі етіктер және басқа да қажетті құрал – жабдықтар жинақталған.

Аида РАХЫМҚҰЛОВА,

Ortalyq.kz

Сообщение Қарағандыдан Солтүстік Қазақстан облысына гуманитарлық көмек жіберілді появились сначала на «ORTALYQ QAZAQSTAN» газеті.

Шараға Қарағанды облысы әкімінің орынбасары Ерлан Құсайын қатысып, ұйымдастырушылар мен еріктілерге алғыс айтып, жолаушыларға ақ жол тіледі.

 – Бүгін Қарағанды облысының тұрғындары мен Қазақстан халқы Ассамблеясының мүшелері атынан су тасқынынан зардап шеккен батыстағы ағайынға оның ішінде, Қостанай облысына гуманитарлық көмек жіберіп жатырмыз. Қазақстан халқы Ассамблеясының Достық үйінде арнайы өңірлік штаб құрылып, этно-мәдени бірлестіктердің, кәсіпкерлердің, тұрғындардың арқасында көмек жиналды. Қазір екі жүк көлігімен 40 тоннаға жуық азықтүлік және су тасқынына қажетті құрал-жабдықтар жіберілуде. Бұл жұмыс жалғасын табатын болады. Барша осы игі іске мұрындық болып, басы-қасында жүрген азаматтарға, қарағандылықтарға алғысымды білдіремін. Азаматтың азаматтығы осындай қиын-қыстау күндерде сындарлы сәттерде білінетіні сөзсіз. Сондықтан, бірге болайық! Еліміз осындай уақытша қиындықтардан жылдам шығып, оңалып кетуіне тілектеспін, – деді Ерлан Бейсембайұлы.

Жүктің жалпы көлемі –  40 тонна. Жолға шыққан 40 тонна гуманитарлық көмек керуенінде қажеттіліктің бәрі қамтылды. Жүк көліктері халықтан жиналған азық-түлік, киім-кешек, санитарлық-гигиеналық бұйымдармен, төсенетін жабдықтармен, генераторлар, күректер, шамдар, жатын шатырлар және т.б. заттармен жолға шықты.

Сонымен қатар, керуенді «Victory Trans» ЖШС көлік компаниясы жүк көліктерімен қамтамасыз етіп, жүктерді тасымалдау бойынша шығындарды толығымен өз мойнына алған.

Гуманитарлық көмекті жинауға Қазақстан халқы Ассамблеясының мүшелері, этно-мәдени бірлестіктердің өкілдері, кәсіпкерлер, еріктілер, жастар, блогерлер, өңір тұрғындары белсене қатысып, жәрдемдескен.    

– Қостанай облысына Қарағанды тұрғындары атынан екі жүк көлік көмек жіберіліп жатыр. Су тасқынынан зардап шеккен Қостанай тұрғындарына жүрегімізбен, жанымызбен бірге екенімізді білдіріп, жолға шыққалы тұрмыз, – деді Қазақстан халық Ассамблеясының мүшесі Думан Малаев.

Аида РАХЫМҚҰЛОВА,

Ortalyq.kz

Сообщение Арқаның ақ пейілі жолға шықты появились сначала на «ORTALYQ QAZAQSTAN» газеті.

Осы аптада толық залалды өтеу басталады. Бағалау комиссиясы жұмыстарын аяқтап, қорытынды шығарады. Сондай-ақ осы аптада мал шығынына байланысты мәселе де оң шешімін таппақ.

Аккредиттелген ұйым үйлерге техникалық тексеру жүргізді. Алты тұрғын үй жарамсыз деп танылды. Бес отбасы үшін жақын күндері басқа үйлер сатып алынып, бір отбасыға жаңасын салады.

Сондай-ақ Шет ауданында Қарағанды облысының әкімі Ермағанбет Бөлекпаев болып, су басқан үйлердің тұрғындарымен кездесіп, жедел штаб отырысын өткізді.

Шет ауданында ТЖ салдарын жоюмен қатар бір мезгілде инфрақұрылымды қалпына келтіру басталды. Бірінші қадам – су шайып кеткен ішкі жолдарды жөндеу.

Ағымдағы су тасқыны салдарын ескере отырып, өңір басшысы инженерлік жұмыстар жоспарын жасап, оны жазғы кезеңде іске асыруға кірісуді тапсырды. Табиғи ресурстар және табиғатты пайдалануды реттеу басқармасы барлық бөгеттер мен гидроқұрылыстардың техникалық жай-күйін қайта тексереді.

Шет ауданының тұрғындарына сонымен қатар гуманитарлық көмек те көрсетілді. Атап айтар болсақ, зардап шеккен ауылдарға кәсіпкерлер, ҚХА өкілдері, қоғамдық қорлар, еріктілер және Қарағанды облысының қамқор тұрғындары азық-түлік, киім-кешек, төсек-орын жабдықтары және басқаларын жіберді.

Аида РАХЫМҚҰЛОВА,

Ortalyq.kz

Сообщение Шет ауданында тасқыннан зардап шеккендерге біржолғы материалдық көмек берілді появились сначала на «ORTALYQ QAZAQSTAN» газеті.

Қарағанды облысы ҚХА мүшесі, «Имсталькон» АҚ директорлар кеңесінің төрағасы Иван Георгиади су тасқынымен күресуге 30 млн. теңге бөлді. ҚХА мүшесі, облыстық «Эребуни» армян мәдени орталығының төрағасы Артур Навасардян – 1 млн. теңге, ҚХА мүшесі Шамиль Осин – 800 мың теңге, ҚХА мүшесі, Нұра ауданы «Шахтерское» ЖШС директоры Георгий Прокоп – 500 мың теңге көлемінде көмек көрсетті.

Сонымен қатар, бүгін қабылдау пунктіне облыстық кәсіпкерлер палатасы – 2 тонна, «Атамекен» ЖШС – 1 тонна, «Дарад» ЖШС – 1 тонна ұн түріндегі гуманитарлық көмек жеткізген. «Дамир АА» ЖШС болса 500 келі макарон өнімдерін әкелді. Жеке кәсіпкер Тайбагорова 1 тоннадан астам азық-түлік өнімін, 315 бөтелке күнбағыс майын, 25 қорап тез дайындалатын кеспе жеткізді. Ал, «WEC Trade» ЖШС – 240 келі жуғыш заттармен қамтамасыз етті.

Естеріңізге сала кетейік, көмек ағымдағы жылдың 20 сәуірін қоса алғанда күн сайын (жексенбіден басқа) сағат 09.00-ден 17.00-ге дейін қабылданады.

Достық үйі өкілдерінің байланыс телефондары: 8707 872 89 28, 8 775 921 19 20.

Зардап шеккендерге көмек ретінде келесідегідей заттар: резеңке қайықтар, плащтар, ұйықтайтын қаптар, резеңке етік, матрацтар, жастықтар, көрпе, төсек-орын, электр құралдары, азық-түлік қажет.

Қаржылық көмек көрсеткісі келетіндер үшін шот мәліметтері:
Атауы: «КОФ» ҚР ҚЫЗЫЛ ЖАРТЫ АЙ ААҚ
ЖСН(БСН): 950241002154
КБ: 18
Банктің атауы: «Қазақстан Халық Банкі» АҚ
BIC: HSBKKZKX
IIC: KZ056017191000006681

Ербол ЕРБОЛАТ,
Ortalyq.kz

Сообщение «Жүректен-жүрекке»: кәсіпкерлер де қалыс қалмады появились сначала на «ORTALYQ QAZAQSTAN» газеті.

Су басқан аумақтардың тұрғындарына дер уақытында азық түлік өнім­дерімен бірге жылы киімдер, төсеніштер, күнделікті тұр­мысқа қажетті тауарларды жібергендерге көмек алған жұрт алғысын жаудырды.

– Бірлігі жарасқан елдің жана­шырлығы сыналатын шақта жергілікті әкімдіктер мен мәс­ли­хаттар, депутаттар, партиялас­тар, бюд­жеттік және азаматтық ұйымдардың өкілдері, дін қыз­меткерлері, жастар тарапы бел­сенділік танытып, халықтың күші бірлікте екенін тағы бір мәрте дәлелдеп, көмек ұсынуда. Үйімізді су басқалы қолұшын берген жандар қаншама. Гуманитарлық көмектер ұсынылып жатыр. Қарғын судан зардап шеккен ауылдағы ағайынға жақ­сы­лық жасауға асыққан қарағандылықтарға, басқа да республикадан көмек жолдаған азаматтарға алғысым шексіз, – дейді Қайрақты ауылының су тасқынынан зардап шеккен тұрғыны Талғат Шәріп.

Сонымен қатар,  Төтенше жағдайлар министрлігі, «Біз біргеміз» қоры өкілдері Қайрақты ауылына тікұшақпен азық түлік, жылы киімдер, және дәрі-дәрмек жеткізді. Жергілікті тұрғындармен кездесу ұйымдастырылып, жапа шеккендерге таратылды.

Шет ауданы әкімі аппаратының төтенше жағдайлар бойынша бас инспекторы Олжас Төлеубаев қаптарды инертті материалдарымен толтыру, оларды су басу орындарына төсеу, каналдар мен арық жүйелерін нығайту және арнайы құрылғылармен тұрғын үйлердің аулалары мен көшелерінен қар суын сору, сонымен қатар, елдімекендерде апатты хабарлау және адамдарды қауіпсіз жерге эвакуациялау жұмыстары жүргізіліп жатқандығын мәлімдеді.

– Биыл ауа райының күрт жылынуы елдімекендер мен жолдарға үлкен қатер төндірді. Алғашқыда Мойынты, Ақадыр кентін әбігерге салған тасқынның тосын мінезі аудан орталығы Ақсу-Аюлыда анық байқалды. 29 наурызда «Ақсу-Аюлы-Ақтоғай» тас жолын басты. Екі бетон суағар мұнша мол суды өткізіп үлгермегендіктен су жолдан асып, салынып жатқан «Алматы-Екатеринбург» тасжолын «БАҚ» кафесінің аумағын басып, төтенше жағдай орын алды. Аудандық полиция бөлімінің қызметкерлерінен кезекшілік қойылды. Төтенше жағдай қызметінің жасақтары, аудан әкімдігінің, Ақсу-Аюлы ауылдық округінің әкімдігі, мекеме қызметкерлерімен қатар, ауыл азаматтары мен техникалар жұмылдырылды. Жолдағы барлық көліктер тоқтады. Ауданда төтенше жағдай жарияланды. Жедел жасалған шаралар арқасында судың беті қайтып, Құмжондағы үйлер аман қалды. Шет ауданының әкімі Мұхит Мұхтаров желі арқылы орын алған төтенше жағдайға байланысты аудан тұрғындарын  жолға шықпауға шақырды. Ақадырға қарай шыға беріс жақтағы жолға лезде топырақ, құм төгіп, судың бетін қайтарып үлгерді. Тәулік бойы кезекшіліктер ұйымдастырылып, суағарды қолдан жасалған жалпақ темірмен бірде жауып, бірде ашып, су деңгейінің көтерілуіне жол бермей, бақылауда ұстады, – деді Олжас Төлеубаев.

Бас инспектордың айтуынша, Шерубай-Нұра өзеніндегі су деңгейінің арнасына сыймай көтерілуіне байланысты Қайрақты ауылынан 67 адам, оның ішінде 32 бала  алдын ала эвакуацияланып, Ақсу-Аюлы ауылындағы туыстарына орналастырылған. Малдар тауға қарай – биік жерге өріске шығарылған. Ауылда он үйге су кірді. Сонымен қатар, 15 үйді су басу қаупі болған. Инертті материалдар төсеу жұмыстары жүргізіліп, уақытша ұзындығы 600 метр бөгет жасалған. Сондай-ақ, су деңгейінің жоғарылауына байланысты Красная Поляна ауылдық округінде 6 үйді, Деріпсал ауылында 1 үйді су басқан. Шерубай-Нұра өзені арнасына сыймай Нұраталды округіне қарасты Ақсу ауылының жағада орналасқан бөлігіне су жайылған. Су салдарынан 24 үйге су кіріп, 119 адам эвакуацияланды оның ішінде 40 бала олар жолдың оң қабақтағы үйлерге орналастырылған. Аудан әкімдігінде су тасқынының алдын алуға арналған жедел штаб тәулік бойы жұмыс жасауда.

Айта кетейік, «Қол жұмылмай, жылынбайды» деген аталы сөзді ұстаным еткен белсенді азаматтар ел ба­сына күн туған қиын сәтте қарап қалмайтындығын және қабылдау пункті аптаның соңына дейін жұмысын жалғастыратындығын жеткізді. 

Нұрдос КӘРІМ,
Шет ауданы.
Ortalyq.kz

Сообщение Шет ауданына гуманитарлық көмек жетті появились сначала на «ORTALYQ QAZAQSTAN» газеті.

Гуманитарлық көмек жинау мақсатында барлық өңірдегі «Достық» үйлерінің штабы, волонтерлік орталықтар мен гуманитарлық көмек қабылдау пунктері мұрындық болған. Нәтижесінде 30 млн. теңгеден астам қаржы жинаалып, тиісті дүниелер алынған.

– Жер-көкті су басып жатқанда біз де бей-жай қарап отыра алмадық. ҚХА жанынан республикалық штаб құрылды. Республика бойынша 34 «Достық» үйі бар. Бәрі де көмек қолын созуда. Барлығы да қолдан келгенше көмектеспек ниетте. Кеше әр өңірден екі жүк көлік толы көмек келіп жетті. Мұнда киім-кешек, азық-түлік, матрасс және тағы да басқа дүниелер бар. Енді Шет ауданына жолға шығамыз, – деді ҚХА төрағасының орынбасары Ақмаржан Исмаил.

Сонымен қатар, зардап шеккендерге гуманитарлық көмек көрсету мақсатында ҚХА-ның «Жүректен жүрекке» арнайы жобасы іске қосылды.

Қазіргі таңда гуманитарлық жүктерді жөнелту жұмыстары жүріп жатыр. Бүгін Қарағанды және Ақммола облыстарына көмек жіберілмек.

Ербол ЕРБОЛАТ,
Ortalyq.kz

Сообщение Гуманитарлық жүк артқан көліктер Шет ауданына жолға шықты появились сначала на «ORTALYQ QAZAQSTAN» газеті.

Қазіргі уақытта төсек жабдықтары (матрас, көрпе, жастық, төсек жинақтары), жеке гигиена құралдары (сүлгі, сусабын, кір жуғыш ұнтақтар, тіс пастасы, тіс щетка және т.б.), азық-түлік (ұн, жарма, күнбағыс майы, қант, макарон және т.б.) және ыдыс-аяққа сұраныс бар.

Өз тілшімізден.

Сообщение Гуманитарлық көмек жинайтын пунктер ашылды появились сначала на «ORTALYQ QAZAQSTAN» газеті.