Құлдар «харатиндер» деп аталып, атадан балаға мұраға қалдырылады екен. Олар ауыр жұмысқа жегіледі: үй салады, егістік алқабында жұмыс істейді және тағы басқа шаруалармен айналысады. Мавританиядағы халықтың шамамен 20%-ы, яғни, 600 мыңға жуық адам құлдықта өмір кешеді. Бұл елдегі құлдықтың бастау алғанына шамамен – 1300 жыл болған. Әлемдік қауымдастық ел билігінен құлдықты жоюды талап етуде. Алайда, мавританиялықтар талапты орындауға асығар емес.

Харатиндердің бас азаттығы үшін күресіп жүрген бірнеше қоғамдық ұйымдар да дәрменсіз болып отыр. Өйткені, қожайыны тегін жұмысшы күшінен айрылғысы келмейді. Әр құл қожайынына күніне 15 доллар пайда әкеледі. Бұл – оларда үлкен табыс.

Құлдың отбасында дүниеге келген бала да құл саналады. Яғни, еркі қожайынында. Харатиндерді қожайындары сатуға, сыйлауға, қалыңдықтың қалыңмалы ретінде беруге құқылы.

Сүйектеріне құлдық әбден сіңген харатиндердің өздері де бас бостандығы үшін күреспейді екен. Себебі, кедейліктен барар жері, басар тауы жоқ. Аштан өлгеннен құлдықта тірі жүргенді жөн көреді.

Маржан терген Жәлел ШАЛҚАР.

Сообщение Қара құрлықтағы құлдар елі появились сначала на «ORTALYQ QAZAQSTAN» газеті.

    

   Кеше Арқа атырабына Қазақстан Жазушылар одағынан сүйіншілі хабар жетті. «Ұлт болмысы» журналы мен Ауған соғысы ардагерлер ұйымдарының «Қазақстан ардагерлері» қауымдастығы бірлесіп, ел Тәуелсіздігінің 25 жылдығына орай «Тәуелсіздік – тұмарым, Мәңгілік Ел – тұрағым» атты проза және поэзия жанрлары бойынша өткен республикалық байқауда жерлесіміз, халықаралық «Шабыт» фестивалінің лауреаты, жазушы Алмаз Мырзахмет топ жарып, ынталандыру сыйлығымен марапатталды!

   Бұған дейін жерлесіміз Астана қаласында өткен «Ауыл» партиясы мен «Әдебиет порталы» ұйымдастырған «Ауылым – алтын тұғырым!» әдеби онлайн байқауының жеңімпаздар қатарынан көрінген болатын.

   Жазушының қаламына қуат, қадамына сәттілік тілейміз.

    Шын жүректен құттықтаймыз!

Мирас АСАН

Сообщение Шын талант – шыңда появились сначала на «ORTALYQ QAZAQSTAN» газеті.