Сонымен қатар, 10 полиция қызметкеріне алғашқы арнаулы атақтар табысталды.

Ресми жиынға полиция департаменті бөлімшелерінің қызметкерлері мен жалпы білім беретін мектептердің кадет сыныптарының оқушылары қатысты.

Жиынды Қарағанды облысы ПД бастығының бірінші орынбасары, полковник Құрманғали Ысмағұлов ашты.

Ол жас әріптестерін құттықтап, Отанға адал қызмет етіп, үлгі тұтар тәртіп сақшылары болатынына сенім

білдірді.

• Полициядағы қызмет – бұл заңға және адамдарға деген терең құрметке негізделген, үлкен шыдамдылық пен азаматтық борышты, адалдық пен әділдікті талап ететін қиын жұмыс. Сіздердің борыштарыңыз – қоғам тарапынан көрсетілетін құрметке сай қызметтік міндеттерді абыроймен орындау және Қазақстан Республикасының азаматы мен патриоты деген құрметті атаққа ие болу, – деді өз құттықтауында.

Сонымен қатар, жас қызметкерлерді Қарағанды облыстық Ішкі істер органдары және Ұлттық Ұлан ардагерлері кеңесінің төрағасы Жұман Нұрпейісов те құттықтап, ант қабылдау – әрбір полиция қызметкері үшін өміріндегі ерекше сәт екендігін атап өтіп, жастардың азаматтық борышын абыроймен атқаруларына тілектестік білдірді.

Салтанатты шара соңында жедел қимылдайтын арнайы жасақ сарбаздарының көрнекі жаттығулары көрсетіліп, полиция қызметкерлері мен арнайы техникалар шеруі ұйымдастырылды.

Қасымхан ҒАЛЫМ.

Сообщение Жас полицейлер ант қабылдады появились сначала на «ORTALYQ QAZAQSTAN» газеті.

Атап айтқанда, ұлықтау рәсімі өтетін салтанатты залға ең алдымен Қазақстан Республикасының Туы, штандарты мен Конституциясы әкелінді.

  Заңға сәйкес, Қазақстан Президенті Қасым-Жомарт Тоқаев Конституцияға қолын қойып тұрып: «Қазақстан халқына адал қызмет етуге, Қазақстан Республикасының Конституциясы мен заңдарын қатаң сақтауға, азаматтардың құқықтары мен бостандықтарына кепiлдiк беруге, Қазақстан Республикасы Президентiнiң өзiме жүктелген мәртебелi мiндетiн адал атқаруға салтанатты түрде ант етемiн», – деп халыққа ант берді.

Осы сәттен бастап Президент ресми қызметiне кiрiскен болып саналады.

Ант берiлгеннен кейiн Қазақстан Республикасының Мемлекеттiк Гимнi орындалды. Сонымен қатар, Орталық сайлау комиссиясының төрағасы Мемлекет басшысына Қазақстан Республикасы Президентiнiң куәлiгiн тапсырды.

Дереккөз: inform.kz

Сообщение Қасым-Жомарт Тоқаев Қазақстан халқына ант берді появились сначала на «ORTALYQ QAZAQSTAN» газеті.

Енді шамалы уақыттан соң Президент кортежі Ақордадағы резиденциядан шығып, ұлықтау рәсімі өтетін Тәуелсіздік сарайына қарай бет алады.

Салтанатты рәсім залына ҚР Мемлекеттік туы, ҚР Президентінің штандарты әкелінді.

Қ. Тоқаевты ұлықтау рәсіміне Үкімет мүшелері, Парламент депутаттары, Конституциялық Кеңес мүшелерi, Жоғарғы Сот судьялары, Қазақстанда тіркелген дипломатиялық корпус өкілдері және басқа да шақырылған қонақтар қатысуда.

Ұлықтау рәсімі барысында Орталық сайлау комиссиясы жаңа сайланған Президентке Қазақстан Республикасы Президентінің куәлігін тапсырады. Сонымен қатар, Президент рәсім барысында Қазақстан халқына ант береді. Ал ант берген сәттен бастап жаңадан сайланған Президент ресми қызметiне кiрiскен болып саналады.

Заңға сәйкес, Республика Президентi Қасым-Жомарт Тоқаев  Конституцияға қолын қойып тұрып: «Қазақстан халқына адал қызмет етуге, Қазақстан Республикасының Конституциясы мен заңдарын қатаң сақтауға, азаматтардың құқықтары мен бостандықтарына кепiлдiк беруге, Қазақстан Республикасы Президентiнiң өзiме жүктелген мәртебелi мiндетiн адал атқаруға салтанатты түрде ант етемiн», – деп халыққа ант береді.

Еске сала кетейік, ҚР Орталық сайлау комиссиясының шығарған қорытындысына сәйкес, 9 маусымдағы кезектен тыс президенттік сайлауда кандидат Қасым-Жомарт Тоқаев сайлаушылардың 70,96 процент дауысын (сайлаушылардың 6 539 715 дауысы) алып, жеңіске жеткен болатын. Осыған байланысты Орталық сайлау комиссиясы ҚР Президентінің ант беру күнін 12 маусымға белгілеу туралы арнайы қаулы қабылдады.

Дереккөз: inform.kz 

Сообщение Қазақстан Президентін ұлықтау рәсімі басталды появились сначала на «ORTALYQ QAZAQSTAN» газеті.