– Ойындар өте тартысты өтті. Әсіресе блиц қызықты болды. Таңғы оннан кешкі сегізге дейін қатысушылар 22 ойын ойнады. Вьетнам, Үндістан, Словения, Испания, Германия, Украина, Венгрия елдерінен келген шахматшылар мықты болды. Өзінің ең жақсы атлетикалық қасиеттерін көрсеткен Даниял 22 ұпайдан 16,5 ұпай жинап, қарсыластарынан басым түсті, – дейді шахматтан Қарағанды облысының аға жаттықтырушысы Артем Симонян.

Аға жаттықтырушы Даниялдың ерлер арасындағы Қазақстан чемпионатының қиын да жауапты финалынан кейін әлемдік деңгейдегі жарыстарда жақсы нәтиже көрсеткенін атап өтті. Қазақстан құрамасының үздік шахматшыларымен лайықты ойын өткізген жас шебер 2025 жылы өтетін ересектер арасындағы ел чемпионатына қатыспақ.

Ілияс ДҮНГЕНБАЙҰЛЫ.

Сообщение Әлем чемпионатынан олжалы оралды появились сначала на «ORTALYQ QAZAQSTAN» газеті.

Елдос Сметов осыған дейін 2016 жылы Рио Олимпиадасының күмісін, 2020 жылы Токионың қола жүлдесін еншілеген еді. 2024 жылы алтын алып, қазақ халқының үмітін ақтаған Алаш баласы өз әсерімен бөлісті.

– Сезімімді айтып жеткізе алмаймын, өте қуаныштымын. Жаныма жақын жандарға, бапкерлерге, мемлекет тарапынан жасалған қолдауға алғысымды айтамын. Сенімді, үмітті ақтадым деп ойлаймын. Мен 2016 жылы Олимпиада ойынында екінші орын алғанда, «Енді күреспеймін» деген шешім қабылдағанмын. Бірақ, марапаттауға шыққанда қазақ Әнұранын бүкіл әлем тік тұрып тыңдағанда, менде үлкен мотивация пайда болды. Неге менің Әнұранымды бүкіл әлем тыңдамайды? «Менің әлі мүмкіндігім бар» деп өзіме сөз бердім. Міне, бүгін сол күнге жеткеніме қуаныштымын, – дейді Елдос Сметов.

Мемлекет басшысы Қасым-Жомарт Тоқаев телефон ар­қы­лы қоңырау шалып, Олимп шы­ңын бағындырған Елдос Сметов­ке лебізін білдірді.

– Қазақтың рухын, жалпы халқымыздың мықты мінезін көрсеттің. Бәріміз сені мақтан тұтамыз. Сөзіңде тұрдың, жеңіске жеттің, нағыз жігітсің. Сен сияқты жігіттердің арқасында Туымыз әрқашанда асқақтап, желбірей берсін. Жаңа жеңістерге жете бер. Саған және отбасыңа амандық тілеймін. Астанада кездескенше, – деді Президент.

Жалпы, Париж Олимпиадасына 205 елден 10 мыңнан астам спортшы қатысуда. Олар 32 спорт түрінен 329 медаль жиынтығы үшін бақ сынасады. Әр күнге бөлінген спорт түрлерінен де жеңіс тұғырын бермеген, оза шап­қан дүлдүлдер аз емес.

Қазақстан құрамасына тағы бір жүлдені тарту еткен Ислам Сәт­баев пен Александра Ле пневматикалық винтовкамен оқ ату бәсекесінде жеңіске жетті. Елдос Сметовтің жолын қуған дзюдо спортынан Ғұсман Қырғызбаев тағы бір қоланы қанжығалады. Ал, қазақстандық дзюдошы Абиба Әбужақынова бесінші орын иегері атанып, өз өкінішін білдірді. Бокстан Асланбек Шымбергенов, семсерлесуден Вадим Шарлаимов финалға жетпей, ойынды аяқтады. Олимпиаданы жарқын жеңіспен бастаған боксшы Айбек Оралбай, Назым Қызайбай, Мұхаммедсабыр Базарбайұлы, семсерлесуші Руслан Құрбанов, гимнаст Нариман Құрбанов пен Милад Карими финалда сынға түспек. Олимпиада ойындарының екі күндік жарыстағы қорытындысы бойынша, Ұлттық құрама 1 алтын және 2 қо­ланы қоржынға салды. Жалпы командалық есеп бойынша Қазақстан жетінші орында тұр.

Аружан СЕРІКБАЙ,
Е.Бөкетов атындағы Қарағанды зерттеу университетінің
журналистика бөлімінің III курс студенті

Сообщение Алғашқы алтын қоржында появились сначала на «ORTALYQ QAZAQSTAN» газеті.

Министрдің айтуынша, алтын медаль иегеріне – 4,9 млн. теңге, күміс жүлде үшін 3,3 млн. теңге қарастырылған. Ал, қола медальді олжалаған спортшыға – 1,6 млн. теңге сыйақы тапсырылады.

Жеңімпаздар мен жүлдегерлердің бапкерлері де тап осындай сомадағы сыйақыларға ие болады.

Жаһандық жастар додасында 168 спортшы ел намысын қорғайды. Олардың жаттығу жұмыстарына 65 бапкер жетекшілік етеді. Қазақстандықтар барлық спорт түрінен жарысқа араласады.

29 қаңтар – 8 ақпан аралығындағы Универсиадаға жалпы саны 2 мыңның шамасында сайыскер қатысады деп күтілуде.

Сондай-ақ, Универсиаданың ресми ұялы байланыс операторы анықталды. «Кселл» АҚ спорт нысандарын ұялы байланыспен қамтамасыз етеді. Және бірыңғай анықтамалық-байланыс орталығын іске қосады.

Орталық күндіз-түні жұмыс істейді. Барлық операторлар абоненттері 7117 номері арқылы қажетті ақпаратты ала алады. Яғни, жарыстар кестесі, спорт нысандарының орналасқан жері, билеттерді сатып алу тәсілдері және басқа да мәліметтерді аталған орталық таратады.

Бұдан бөлек, 12 нысанда 4G/LTE технологиясын қолдайтын базалық станциялар орнатылды. Олардың қатарында «Сұңқар» тау шаңғысы трамплиндер кешені, «Алатау» шаңғы-биатлон кешені және «Табаған» спорттық ойын-сауық кешені бар.

«Біздің компания үшін бұл – үлкен абырой. Универсиаданың спорт объектілерінің телекоммуникациялық инфрақұрылымын дайындау үшін күрделі жұмыс жүргіздік. Ойындарды ұйымдастыруға тартылған қызметкерлер байланыспен қамтамасыз етілді. Мен жүзеге асырылған жұмыс сапасын тек қазақстандықтар ғана емес, еліміздің қонақтары да жоғары бағалайды деп сенемін», – дейді «Кселл» АҚ бас атқарушы директоры Арти Отс.

Нұрқанат ҚАНАФИН

Сообщение Сыйақы – қомақты появились сначала на «ORTALYQ QAZAQSTAN» газеті.