Су тасқынына дайындық мәселесі өңір басшысы Ермағанбет Бөлекпаевтың төрағалығымен өткен ТЖ комиссиясының отырысында талқыланды. Кеңеске ТЖД, полиция, басқа да уәкілетті органдардың басшылығы қатысты. Қала және аудан әкімдері жағдай туралы баяндады.

Жиында «Қазгидромет» МКК филиалының талдауы ұсынылды. Биыл топырақтың күзгі ылғалдану деңгейі нормадан жоғары, бірақ облыс аумағының басым бөлігінде қату тереңдігі өткен жылмен салыстырғанда төмен.

Облыстық ТЖД бастығы Марғұлан Аманбаев бүгінгі таңда облыста миллион текше метрден астам қар шығарылғанын хабарлады. Сондай-ақ, су бұру арықтарын қазу, каналдар мен су өткізу құбырларын тазарту жұмыстары жүргізілуде.

Полиция санитарлық нормалардың сақталуын қадағалауда, тәртіп бұзушыларға қатысты әкімшілік хаттамалар ресімделеді.

Самарқанд және Ынтымақ су қоймаларында санитарлық су ағызу секундына 10–15 текше метрге дейін артты. Алдағы уақытта көлем өсуі мүмкін. Бұл өзен арналарын шаю және тасқын суды қабылдауға болатын бос орын дайындау үшін қажет.

Ермағанбет Бөлекпаев гидроқұрылыстарды бақылаудың маңыздылығын атап өтті. Ол қарды жедел шығару жұмыстарын жалғастыруды тапсырды.

– Қар шығару – бұл тек коммуналдық қызметтердің ғана емес, барлық кәсіпорындардың, ұйымдар мен бизнестің жауапкершілігі. Бірлесіп әрекет ету керек – тек сонда ғана ауыр зардаптарға жол бермейміз, – деп атап өтті облыс әкімі.

 Ілияс ДҮНГЕНБАЙҰЛЫ.

Сообщение Облыс әкімдігінде су тасқынына дайындық мәселесі талқыланды появились сначала на «ORTALYQ QAZAQSTAN» газеті.

Қазір ауданда С.Сейфуллин-Ақадыр тасжолын жөндеу жұмыстары жүріп жатыр. Тұрғындар тарапынан оның сапасына, әсіресе Айсаның тұсынан өтетін бөлігіне шағымдар түскен болатын.

– Бұл бағытта арнайы жүріп өттім. Кемшіліктер баршылық. Мердігер анықталған ақауларды жояды, – деді аймақ басшысы.

Ақадырда Ә.Ермеков атындағы мектепке қосымша ғимарат салынып бітті, ол ғимаратта спортзал мен асхана орналасады. Қазір мұнда ішкі әрлеу жұмыстары жүріп жатыр. Сондай-ақ, ауданда әрқайсысы 300 орындық екі мектеп салынуда. Олар С.Сейфуллин және Ақсу-Аюлы атындағы кенттерде бой көтермек.

Қазіргі таңда Шет ауданында құрылыс жұмыстары қарқынды жүргізілуде. Аудан бойынша 202 пәтерлік заманауи үйлер мен таунхаустар салынуда. Мысалы, Ақсу-Аюлы кентіндегі «Құмжон» шағын ауданын алатын болсақ, жыл соңына дейін кезекте тұрған азаматтар жаңа пәтер кілттерін алады. Үйлерді жылыту модульдік қазандықтар арқылы қамтамасыз етіледі, сондай-ақ жаңа трансформаторлық бекет орнатылады.
Сонымен қатар, мұнда орталық кәріз жүйесінің құрылысы басталды, бұл тұрғындарға септиктерден арылуға мүмкіндік береді және өмір сүру жайлылығын арттырады. Қазір сегіз ауылда орталық су құбырының құрылысы жүргізілуде.

Аймақ басшысымен кездесу барысында тұрғындар ауданда колледж ашу жөнінде сұрақ қойды.

– Бұл сұрақ бойынша жұмыс істеуді және жатақхана ашу мүмкіндігін қарастыруды тапсырдым. Болашақта ашылатын колледж білікті мамандардың жетіспеушілігін шешетін болады, – деді Ермағанбет Қабдулаұлы.

Кездесуде медициналық қызмет көрсету сапасы, ТКШ мәселелері және тұрғын үймен қамтамасыз ету мәселелері талқыланды. Сондай-ақ, тұрғындар теміржол өткелі арқылы өтетін көпірдің қажет екенін айтты. Аталған жоба құжаттамалық сараптамадан өтуде.

– Аудан көркейіп келеді. Бизнес белсенді дамып, инвестициялар салынуда. Біз өз тарапымыздан кәсіпкерлердің ауданның және оның тұрғындарының игілігіне бағытталатын бастамаларын қолдауға қашанда дайынбыз, – деп қосты аймақ басшысы.

Кездесуден соң облыс әкімі тұрғындардың жеке мәселелері бойынша кездесу өткізді. 

Аида РАХЫМҚҰЛОВА,

Ortalyq.kz

Сообщение Аймақ басшысы Шет ауданының тұрғындарымен кездесті появились сначала на «ORTALYQ QAZAQSTAN» газеті.

Бұл мәселелердің барлығы біртіндеп шешілуде. Жылу және су құбыры желілерін қайта жаңарту жалғасуда. Абаттандыруға жыл сайын қаражат бөлінеді. Биыл тоғыз аула ретке келтіріледі. Спорт алаңдарын жаңарту және қалпына келтіру бойынша жеке бағдарлама жұмыс істейді.

Балқаш ардагерлер кеңесінің төрағасы Тайтөлеу Жұманов қалада болып жатқан жұмыстар үшін алғысын білдірді. Бірақ туризмді дамыту үшін қаланың келбеті маңызды екенін атап өтті. Балқашта 598 көпқабатты үй бар, оның 410-да қасбеттер мен шатырларды жөндеу қажет. Жөндеу жұмыстарына келесі жылы кіріседі деп жоспарланып отыр.

– Соңғы жылдары қалада ауқымды жұмыстар жүргізілуде. Біз оны көріп отырмыз. Қазір мені үйлердің қасбеттері мен көпірлер қызықтырады. Бұрын кіреберіс жолында екі көпір болған. Қазір тек біреуі ғана жұмыс істейді. Бірақ біреуі аздық ететіні анық: ол шамадан тыс жүктелген. Көпірді қалпына келтіру жоспарланған ба? – деп сұрады Тайтөлеу Жұманов.

Облыс әкімі ақсақалды қолдады.

– Мен көпір туралы білемін. Болашақта қайта құруды жоспарлап отырмыз. Қала әкіміне құжаттарды дайындауға тапсырма беремін, – деді Ермағанбет Бөлекпаев. – Келесі жылы қалаішілік жолдар мен үйлердің қасбеттерін жөндеуге кірісеміз.

Балқаш тұрғыны ЖТҚ үшін жер учаскелерін беру қашан басталатынын сұрады.

– “Самал” шағын ауданындағы 300 жер учаскесіне инженерлік коммуникациялар жүргізілді. Биыл тағы 400 учаскеге ЖСҚ әзірлеуді бастаймыз. 2025 жылға арналған жоба. Ал ИКИ жалғаннан кейін жер беруге болады, – деп жауап берді Балқаш басшысы Сапар Сатаев.

Сондай-ақ, балқаштықтар Караменди биге баратын жолды қашан жөндейтіндерін сұрады. Биыл көшені ретке келтіру мүмкін емес: коммуникацияларды салу әлі де жалғасып жатыр. Жол жөндеу келесі жылы басталады.

Ермағанбет Бөлекпаев тұрғындардың сұрақтарын тыңдап, бірден жауап бере алмағандарын бақылауға алды. Сондай-ақ, қала тұрғындарын коммуналдық желілерді ауқымды қайта құру салдарынан туындаған уақытша қолайсыздықтарға түсіністікпен қарауға шақырды.

– Балқаш өңірі қарқынды дамып келеді. Су құбырлары мен жылу желілерін ауқымды қайта құру, жолдарды жөндеу жұмыстары жүргізілуде. Қалалық жағажайдың жағалауын абаттандыру басталды. Тағы бір күрделі мәселе – кәріз тазарту қондырғылары. Қазір ЖСҚ әзірленуде. Өрімдер салынады. Барлығы бірте-бірте жасалуда, уақыт қажет, – дейді өңір басшысы.

Халықпен кездесуден кейін Ермағанбет Бөлекпаев тұрғындарды жеке мәселелері бойынша қабылдады.

Материалды әзірлеген Аида РАХЫМҚҰЛОВА

Сообщение Аймақ басшысы Балқаш тұрғындарымен кездесті появились сначала на «ORTALYQ QAZAQSTAN» газеті.

Сондай-ақ, облыс әкімі жөндеуден кейін ауыр жүк таситын көліктер бұзатын жолдарға назар аударды. Ол тұрғындар тарапына айтылып жатқан шағымдарда негіз бар деп санайды.

– Біз бір қолымызбен жасаймыз, екінші қолымызбен бұзамыз! Бұған жол бермеу керек. Қалалар мен аудандардың әкімдері – бұл сіздердің жауапкершіліктеріңіз, сіздерден сұраймын. Көлік және автомобиль жолдары басқармасы, кабинеттерде отырудың қажеті жоқ! Барлық қызметкерлер жолдарды араласын. Далада жұмыс жасаңыздар және көлік инспекциясы және полициямен бірге бақылаңыздар. Бұл жолдар мейлі республикалық, облыстық немесе қалалық болса да. Ол маңызды емес, барлығын тексеріңіздер. Оның барлығы бізге қарайды, біздің тұрғындар срл жолмен жүреді, – деді Ермағанбет Бөлекпаев аппараттық кеңесте.

Өңір басшысы жол активтерінің ұлттық сапа орталығымен тығыз жұмыс істеуді тапсырды. Ол барлық жол құрылысы жобалары мерзімінде және сапалы іске асырылуы тиіс екенін атап өтті.

Биыл 461 шақырым республикалық автожолдарды жөндеу жоспарланған. “ҚазАвтоЖол” ҰК АҚ облыстық филиалының өкілі Қазақстанның Даму Банкінің қарыздық қаржыландыруы бойынша трассалардың проблемалық учаскелерін Павлодар, сондай-ақ Нұра – Астана бағытында қабылдайтынын хабарлады. Оның айтуынша, қазір осы жобалар бойынша конкурстық рәсімдер жүргізілуде.

Жолаушылар көлігі және автомобиль жолдары басқармасының басшысы Мақсұт Қожанов облыстық маңызы бар 178 шақырым автожолда жөндеу жасалып жатқаны туралы баяндады.

Абай ауданында Жартас – Долинка жолының учаскесін қайта жаңарту жалғасуда. Ұзындығы 9 км Үштөбе – Құрылыс автожолының учаскесін қайта жаңарту басталды.

Ұзындығы 19 км Саран – Шахтинск автожолына күрделі жөндеу жалғасатын болады.

Қалалар мен аудандарда 393 шақырым автожол жөнделеді. Облыс орталығында жөндеу жұмыстармен 143 км қамтылған. Жол жабынының сапасы мен беріктігі үшін жаңа технологиялар мен материалдар пайдаланылады. Қарағандыда алғаш рет бутанал типіндегі арнайы полимер қолданылды, ол жоғары температурада асфальттың икемділігін айтарлықтай жақсартады.

Биыл облыста 32 асфальтбетон зауытына зерттеу жүргізілді.

Аида РАХЫМҚҰЛОВА,

Ortalyq.kz

Сообщение Ермағанбет Бөлекпаев жол сапасын бақылауды күшейтуді тапсырды появились сначала на «ORTALYQ QAZAQSTAN» газеті.

Байқаудың мақсаты – өңірлік этножурналистиканың дамуына ықпал ету, Қарағанды облысы Қазақстан халқы Ассамблеясының қызметін жариялауға, қоғамдық келісім мен жалпыұлттық бірлікті насихаттауға атсалысқан дарынды журналистер мен блогерлерді ынталандыру.

Қазылар алқасы этносаралық қатынастар саласындағы мемлекеттік саясаттың мәні мен мазмұнын ашатын, мәдениетаралық диалогты дамытуға жәрдемдесетін, көп этносты Қазақстан халқының мәдениеті мен дәстүрінің озық үлгілерін ақпараттық кеңістікте насихаттаған, қоғамдық келісім мен жалпыұлттық бірлікті нығайту тақырыбын қозғаған журналистердің, сондай-ақ, облыс аумағында жұмыс істейтін блогердердің де материалдарын қарастырды.

Байқауға келіп түскен материалдарды іріктеу барысында алдымен тақырыпқа, мақсаты мен міндетіне сәйкестігі, тақырыптың толық ашылуы басты назарға алынды. Одан бөлек, автордың шығармашылық көзқарасы, материалдың ерекшелігі мен бірегейлігіне де назар аударылғанын айту керек. Тіпті, автордың сауаттылығы, атап айтқанда, этностаралық қатынастар саласындағы терминологияны дұрыс қолдану да байқаудың ережесіне енгізілген.

Сонымен, «Қоғамдық келісім мен жалпыұлттық бірліктің қазақстандық моделінің мәнін, Қарағанды облысы Қазақстан халқы Ассамблеясының қызмет бағыттарын ашуға арналған үздік аналитикалық материал» аталымын облыстық Ortalyq Qazaqstan газетінің жауапты хатшысы Жәлел Шалқар иеленді.

«Жыл таңдауы» – этносаралық қарым-қатынасты нығайтуға, этностардың интеграциясына, азаматтық бірегейлікті қалыптастыруға бағытталған үздік әлеуметтік маңызы бар медиа жобада SARYARQA» каналының редакторы Светлана Шульц үздік деп танылды.

Ал, «Бірінші Қарағанды» телеарнасының тілшісі – Гүлнұр Көкиева «Этностар арасында мемлекеттік тілді танымал ету және қолдану аясын кеңейтуге арналған үздік материал» аталымын жеңіп алды.

««Үздік этноблогер» аталымын, яғни, өз контентінде этностардың интеграциясы мен азаматтық бірегейлікті қалыптастыруға бағытталған этносаралық келісім және жалпыұлттық бірлік тақырыбындағы материалдарды жариялап жүрген «Е-karaganda» ақпараттық агенттігінің тілшісі Анна Дябина алды.

Салтанат ІЛИЯШ,
Ortalyq.kz

Сообщение Этножурналистиканың үздіктері анықталды появились сначала на «ORTALYQ QAZAQSTAN» газеті.

Жас дарындармен кездесу жуырда ғана есігін айқара ашқан Пришахтинскідегі жаңа Оқушылар сарайында өтті. Басқосуда халықаралық, республикалық олимпиадалар мен ғылыми жобалардың 58 медаль иегері, сондай-ақ, олардың ұстаздары марапатталды. Бірінші орын – 200 мың теңге, екінші орын – 150 мың теңге, үшінші орын – 100 мың теңгеге ие болған дарынды оқушылардың ұстаздарына Алғыс хаттар табысталды.

– Облыстың мақтанышына айналған, республикалық, халықаралық олимпиадалар және ғылыми жоба сайыстарының жүлдегерлерімен кездесу дәстүрге айналды. Мен үшін мұндай кездесулердің мәні басқа, мағынасы бөлек. Біз, үлкендер, баламыздың өмірлік жолына қызығушылық танытып, әр жетістігіне қуанамыз. Сіздер өздеріңіздің білімдеріңіздің арқасында ерекшеленіп қана қоймай, мектеп беделін көтеріп, облыс­тың, еліміздің мерейін үстем еттіңіздер. Жетістіктеріңізді естіп, бір жасап қаламыз. Сол себепті, бұл кездесу ерекше жылулық пен қуаныш сыйлайды. Облыста балалардың білім алуына барлық жағдай жасалған. Халықаралық, республикалық олимпиадалардан жүлдегер атанған Сіздерді көріп, болашағымыздың жарқын екеніне сенім артамыз. Сіздер лайықты білім алып, елімізді көркейтеді деген сенімдемін, – деді Ермағанбет Бөлекпаев.

Балалар аймақ басшысының мектепте қалай оқығанын, бос уақытын қалай өткізетінін, хоббиін сұрап, қызығушылық танытты. Ермағанбет Бөлекпаев уақытының басым бөлігі жұмысқа кететінін, бірақ, соған қарамастан, отбасына көңіл бөлуге тырысатынын, кітап оқитынын да атап өтті. Оқушылар әкімнің Уинстон Черчилльдің «Екінші дүниежүзілік соғыс» шығармасын сүйіп оқитынын білді.

Облыс әкімі ұстаздарын еске алып, өмірін мектепте бала оқыту ісіне арнаған анасы жайлы естелікпен бөлісті.

– Мұғалімдерге үлкен құрметпен қараймын. Жұмысын жақсы білемін. Менің анам – 35 жылдан астам өмірін мектепке арнаған жан, – деп атап өтті Ермағанбет Бөлекпаев.

Оқушылар кездесу барысында болашақ жоспарларымен бөлісті. Мәселен, Қарқаралы ауданы, Бесоба ауылының 11 сынып оқушысы Айдана Төлеген география пәнінен үздік нәтижелерге қол жеткізіп, республикалық олимпиаданың алтын медалін жеңіп алған. Оның айтуынша, пәнге деген сүйіспеншілік география пәнінің мұғалімі болып қызмет ететін әкесінен дарыған. Айдана «менеджмент және басқару» мамандығы бойынша оқуға түсуді жоспарлапты.

Ал, Қарағандыдағы №30 мектептің түлегі, Ульяна Радионова орыс тілі мен әдебиеті бойынша республикалық олимпиаданың күміс жүлдегері атанды. Болашақта ол өмірін филология саласымен байланыстырмақшы.

Әртүрлі пәндер бойынша жеңімпаз атанған оқушылар аймақ басшысымен кездесуде көкейдегі сұрақтарын қойып, мамандық таңдауда ақыл-кеңес алды.

Кездесуге Азия-Тынық мұхиты халықаралық олимпиадасының жеңімпазы атанып, математикалық ғылымдар саласында облыстың абыройын асқақтатып жүрген олимпиаданың қола жүлдегері, «Мұрагер» мамандандырылған мектеп-лицей-интернатының 10 сынып оқушысы Жеңісбек Бейбарыс қатысып, аймақ басшысына оқушылар атынан ризашылық білдірді. Сондай-ақ, дарынды жас «Жаңа Оқушылар сарайын аралап шықтық. Шығармашылықпен айналысуға тамаша жағдай жасалыпты. Әрбір үйірмеге арналған заманауи техникаларды көріп, қызықтық. Қаламызда осындай жеткіншектер сарайлары тағы да салына ма?» деген сауалын қойды.

– Бейбарыс, математикадан Халықаралық олимпиадада жеткен жеңісіңізбен құттықтаймын. «Математика – ғылымдар патшасы» және ойды жетілдіретін ғылым. Алдағы уақытта алар асулар көп болып, биіктен көрінеді деп сенемін.

Ал, сұрағыңызға келсек, бүгінгі таңда қосымша білім беруге өте маңызды көңіл бөлінуде. Бұл жайлы Президент жыл сайынғы Жолдауларында атап өтеді. Бұл салада бала өзіне ұнайтын нәрсені өзі таңдайды. Алдағы уақытта Пришахтинск балалары үйірмелер мен секцияларға қатысып, жаңа достар тауып, ғылым үйренуге және дамуға болатын екінші үйге айналады деп үміттенемін.

Бұл жұмысты жалғастырамыз. Майқұдық пен Теміртауда оқушыларға арналған заманауи сарайлар салу әрі биыл Балқаш пен Осакаров ауданында қосымша білім беру орталығын ашу жоспарлануда, – деп атап өтті аймақ басшысы.

Облыс әкімінің айтуынша, баланың дағдылары мен құзыреттерін тек оқу бағдарламасы аясында ғана емес, сабақтан тыс уақытта да дамыта алатын жағдайлар жасау – міндет.

Сондай-ақ, жиында Н.Нұрмақов атындағы мамандандырылған мектеп-лицей-интернатының математика пәнінің мұғалімі Екатерина Нипрук сөз алып, дарынды шәкірт тәрбиелеудің маңызды тұстарына тоқталды.

– Математика пәнінің мұға­лімімін әрі балаларға 3 тілде сабақ беремін. Бүгінгі кездесуге оқушылармен бірге қатысып отырғаныма қуаныштымын. Оқушының талантын танып, оны аша білу – әр мұғалімге берілген сын, – деді Екатерина Нипрук.

Кездесуде облыс әкімі оқушылардың қызығушылығын оятып, білімін шыңдап жүрген ұстаздар қауымына алғыс айтты.

– Бүгін жақсы кездесу болды деп есептеймін. «Ұстазы жақсының ұстанымы жақсы» деген сөз бар. Білім биігінен көрініп, жетістікке жеткендеріңіз – мұғалімдеріңіздің ерен еңбегінің арқасы. Талантты тани білу, дарынды аша білу – мұғалімнің шеберлігі. Жас болса да, туған жерлерінің атын шығарып жүрген талантты, дарынды оқушыларға және оларды білім бәйгесіне дайындап жүрген ұстаздарға алғыс білдіремін, – деді аймақ ­басшысы.

Аяулым СОВЕТ,
Ortalyq.kz

Сообщение Бүгінгі дарын – ертеңгі дана появились сначала на «ORTALYQ QAZAQSTAN» газеті.

Сіздерді Қазақстан Республикасының Мемлекеттік рәміздері күнімен шын жүректен құттық­таймыз!
1992 жылы маусым айының 4 жұлдызында Қазақстан Рес­публикасының Мемлекеттік рә­міз­дері бекітілді. Бұл тарихи күн біздің мемлекеттілігіміздің сим­волына айналды. Еліміздің Мемлекеттік рәміздері – бірлікті наси­хаттайтын және өскелең ұрпақты патриотизм рухында тәрбиелеу құралы.
Олар халықтың тарихы мен рухын бейнелейді. Халық арасында «Туың жығылмасын» – деген сөзде осыдан қалса керек. Егемен Қазақстанның рәміздері – ғасырлар бойы қалыптасқан біздің идеология­мыз бен мәдениетіміздің көрінісі.
Бүгінде елімізде өскелең ұрпақ­ты патриот ретінде тәрбиелеуге үлкен мән беріліп отыр. Мемлекеттік рәміздерді білу және құрметтеу – патриоттық тәрбие мен ұлттық сананы қалыптастырудың негізі. Тәуелсіздік жылдарында мемлекеттік рәміздер бейбітшілігімізді бейнелейтін Қазақстанның төлқұжатына айналды.
Құрметті жерлестер, баршаңызға амандық, бақыт, бейбітшілік тілейміз! Ортақ Отанымыз – Қазақстан өркендей берсін! Көк Туымыз көгімізде желбірей берсін!

Ермағанбет БӨЛЕКПАЕВ,
Қарағанды облысының әкімі,
Нұркен КОБЖАНОВ,
Қарағанды облыстық мәслихатының төрағасы

Сообщение Аймақ басшысы мен облыстық мәслихат төрағасы мемлекеттік рәміздер күнімен құттықтады появились сначала на «ORTALYQ QAZAQSTAN» газеті.

– Біздің комиссия екі жылдан астам жұмыс істеп келеді. Жұмысты тұрақты диалогта жалғастыруымыз өте маңызды. Облыс басшылығы әрдайым барлық тау-кен мәселелерін бақылауда ұстайтынын білеміз. Осындай форматтағы бұл “Qarmet” АҚ басшыларының, кәсіподақтардың және барлық шахталардың өкілдерінің қатысуымен алғашқы кездесу. Біз компания басшылығының көмір департаментінің кәсіпорындарына барып, өндіріспен танысып, жұмыс орындарындағы қызметкерлермен кездесіп жүргенін көріп отырмыз, – деді “Қорғау” көмір өндірушілер кәсіподағының басшысы Евгений Буслаев.

Көмір департаментінің директоры Жақан Мұхамеджанов алдағы кезеңге арналған жоспарлар мен болашаққа арналған стратегиялар туралы айтып берді. Оның айтуынша, 2024 жылға арналған көмір өндіру жоспары былтырғы көлем деңгейінде қалып отыр – 6 млн тонна, ал ұңғыма ұлғаяды.

Ол сондай-ақ компания позициялау жүйесінің бес жиынтығын сатып алатынын айтты. Технологияны енгізу барлық шахталарда жүзеге асырылады және Ленин атындағы шахтадан басталады.Биыл кеншілер мен металлургтер үшін жеңілдікті ипотека бағдарламасы жалғасады.

– ҚР Президенті Қасым-Жомарт Тоқаев Үкіметтің кеңейтілген отырысында Qarmet компаниясының қызметіне ерекше назар аударды. Мемлекет басшысы кәсіпорынның алдында тұрған нақты жоспарлар мен міндеттерді айтты. Бұл үшін ҚР Үкіметі де, Қарағанды облысының әкімдігі де бар күш-жігерін салуда, бірақ үлкен жауапкершілік, әрине, жаңа меншік иесі мен барлық қызметкерлерге жүктеледі, – деп атап өтті облыс әкімі.

Әділет ШОПЕН,

ortalyq.kz

Сообщение Облыс әкімі Qarmet компаниясының басшылығымен және кеншілермен кездесті появились сначала на «ORTALYQ QAZAQSTAN» газеті.

Сурет: gov.kz

– Құрметті облыс тұрғындары, ауа райы мен жол қозғалысының жағдайы туралы арнайы қызметтердің хабарламаларын назардан тыс қалдырмауларыңызды сұраймыз!

Қатты жел, қарлы боран, көктайғақ ауыр зардаптарға әкеледі. Тек соңғы тәулікте төтенше жағдайлар қызметкерлері бес адамды құтқарып, 182 адамды, оның ішінде 12 баланы эвакуациялады.

Облыстық және республикалық маңызы бар тас жолдарда жол полициясы тәулік бойы жұмыс істеуде. Олар сондай-ақ тас жолдар жабылғанына қарамастан, өз өмірлерін қатерге тігіп, қалалар мен елді мекендердің сыртында жүретін автокөлік жүргізушілерін қар құрсауынан құтқаруда.

Өңіріміздегі республикалық маңызы бар тас жолдарға «ҚазАвтоЖол» қызмет көрсетеді. Бүгінде жолдарда 83 арнайы техника жұмылдырылған. Барша тұрғындарға тағы бір рет ескертеміз: қолайсыз ауа-райында қалалар мен елді мекендерден тыс сапарға шықпаңыздар, сақ болыңыздар: далада көктайғақ және қатты жел!

Барлық оқиғалар бойынша 112, (8-7212) 43-36-36, 43-37-37 телефондарына хабарласу керек, – деп жазды Ермағанбет Бөлекпаев өз Instagram парақшасында.

Облыс әкімдігінің баспасөз қызметі

Сообщение Аймақ басшысы облыс тұрғындарына үндеу жасады появились сначала на «ORTALYQ QAZAQSTAN» газеті.

Бос орындар жәрмеңкелері, бизнесті дамытуға арналған гранттар мен жеңілдікті несиелер, Ұлттық жобалар бойынша жұмысқа орналастыру – Қара­ғанды облысының жастарын қолдау шаралары туралы аймақ әкімдігінде өткен аппараттық кеңесте айтылды. Облыс басшысы Ермағанбет Бөлекпаев басқарма басшылары мен қалалар мен аудандардың әкімдеріне жастарды жұмысқа орналастыру мәселелеріне көбірек көңіл бөлуді және тұрақты жұмыс ор­ындарымен қамтамасыз етуді тапсырды.

Жастарды жұмысқа орна­ластырудың қандай бағыттар­да жүріп жатқаны туралы Жұмыс­пен қамтуды үйлестіру және әлеуметтік бағдарламалар басқармасы басшысының ор­ынбасары Төлеу Мұхтар баяндады.

– Статистикалық мәліметтер бойынша, 2023 жылдың 3-ші тоқсанында облыстағы жастар саны – 309 258 адам болса, жұмыссыз жастар саны – 5 732. Жастар жұмыссыздығының деңгейі – 3,1%. Бұл республикалық көрсеткішпен салыстырғанда 0,2 пайыздық тармаққа төмен. Өңірлер ара­сында жастар жұмыссыздығының ең жоғары деңгейі Қарағандыда – 4,9% және Бал­қашта – 4,6% байқалды, – деді Төлеу Мұхтар.

2023 жылы бекітілген өңірлік жұмыспен қамту картасы бойынша 25 мың жас қарағандылық жұмысқа орналастырылды. Тиімді құралдардың қатарына ұлттық жобалар, бос орындар жәрмеңкелері, әлеу­­меттік жұмыс орындары, биз­неске тарту, «Бірінші жұмыс орны» және «Ұрпақтар келісімшарты» жобалары жатады.

Бес жүзге тарта жұмыссыз қарағандылық skills.enbek.kz сайтында онлайн-оқытудан өтті. «Бастау-Бизнес» жобасы бойынша 2600-ден астам жас кәсіпкерлік негіздеріне оқытылды.

Өңірде жастар көп жиналатын орындарға баратын және мемлекеттік қолдау шаралары туралы әңгімелейтін мобильді топтар жұмыс істейді. Тұрақты негізде «Бос орындар жәрмеңкелері» өтеді.

Төлеу Мұхтардың айтуынша, биыл 13 мыңнан астам адамды жұмыспен қамту жос­парда.

NEET-жастарды жұмысқа орналастыру мәселесін шешу үшін жастар саясаты мәселелері жөніндегі басқарма «Мүмкіндіктер марафонын» іске қосады. Оның қорытындысы осы жылдың наурыз айында шығады.

Сондай-ақ, Қарағанды және Балқаш әкімдері жастарды жұмыспен қамту туралы есеп берді.

Ермағанбет Бөлекпаев бұл мәселеге жүйелі көзқарас қажет екенін атап өтті. Колледж түлектерінің қайда жұмысқа орналасатынын қадағалау қажет. NEET-жастарға көбірек көңіл бөлу керектігін тілге тиек етті.

– Жұмыспен қамтуды үйлестіру және әлеуметтік бағдарламалар басқармасы жастар сая­саты басқармасымен, қалалар мен аудандардың әкімдерімен бірлесіп, іске асырылған жобалар шеңберінде жоспарлы көрсеткіштің орындалуын қамтамасыз етуі қажет. Жастарды мемлекеттік қолдау шаралары туралы хабардар етуді жандандыру қажет. Жұмыс берушілерді тарта отырып, жастарға арналған бос орындар жәрмеңкелерін тұрақты өткізу. Барлық шараларды NEET-жастар бойынша пысықтау қажет, – деп атап өтті өңір басшысы.

Аппарат жиынында көтерілген екінші мәселе – облыста жазғы Олимпиада және Паралимпиада ойындарына белсенді дайындық мәселесі. Биыл XXXIII жазғы Олимпиада ойындары мен XVII жазғы Паралимпиада ойындары Франция астанасы Парижде 26 шілдеден 11 тамызға дейін және тиісінше 28 тамыздан 8 қыркүйекке дейін өтеді.

Өңір басшысы Ермағанбет Бөлекпаев спортшыларға қолайлы жағдай жасап, проблемалық мәселелерді шешуді тапсырды.

Олимпиада ойындарына 206 елден 10 мыңнан астам спортшы қатысады. Барлығы 32 спорт түрінен 329 марапаттар жиынтығы ойнатылады.

– Бүгінде облысымыздан лицензия алуға 19 үміткер спортшы анықталды. Спорттың 9 түрі бойынша 12 лицензия алу жоспарлануда: байдарка мен каноэде есу, жеңіл атлетика, синхронды жүзу, батут гимнас­тикасы, әйелдер күресі, жүзу, дзюдо, еркін және грек-рим кү­ресі. Спортшылар физикалық тексеруден, кешенді тексеруден өтеді және мамандардан қажетті кеңестер алады. Сондай-ақ, үміткерлерге ай сайынғы ақшалай қаражат беріледі, оның сомасы жарыстардағы өнімділікке байланысты. Спортшыларды даярлау үшін қажетті құрал-жабдықтар сатып алынды, – деді облыстың дене шынықтыру және спорт басқармасының басшысы Темірхан Абылаев.

Паралимпиада ойындары спорттың 22 түрінен өтеді, оған шамамен 84 ел, 4400 спортшы қатысады. 549 медаль жиынтығы ойнатылады. Бүгінгі таңда облысқа қатысуға спорттың үш түрі – жүзу, жеңіл атлетика және дзюдодан бес спортшы-кандидат анықталды.

– Спортшылардың Олимпиада және Паралимпиада ойындарына дайындығын қатаң бақылауға алу керек. Оларға ыңғайлы дайындық үшін жағдай жасау қажет. Боксшылар болмайтыны өте өкінішті. Қарағанды облысы әрқашан өзінің бокс мектебімен танымал болған. Неліктен Олимпиада мен Паралимпиадаға қатысуға лайықты боксшылар жоқ:? Менің ойымша, бұл ұйымдастырушылық кемшілік, жат­тықтырушылар құрамын алдын-ала дайындау керек еді. Бұл мәселені пысықтау қажет – деді Ермағанбет Қабдулаұлы.

Өз тілшімізден.

Сообщение Жұмыссыздықпен күресте жүйе бар появились сначала на «ORTALYQ QAZAQSTAN» газеті.