Түрік құтқарушылары үйінді астынан табылған 2 миллион долларды полицияға тапсырды

Түркияның Газиантеп қаласындағы құтқарушылар үйінділердің астынан шамамен 2 миллион доллар тауып, оларды полицияға тапсырды, деп хабарлайды ortalyq.kz Qaz365.kz сайтына сілтеме жасап.

Құтқарушылар Ayşe-Mehmet Polat тұрғын үй кешенінің үйінділерінен ер адамды шығарған кезде жанында жатқан ақшаны көреді.

– Ер адамның жанында барлығы 2 миллион доллар болды, құтқарушылар ақшаны арнайы күштердің қызметкерлеріне берді. Біздің жігіттер бірінші кезекте адам өмірін құтқарады, бірақ құнды заттар кездесіп жатса, оларды полицияға береді. Мұндай жағдайлар жиі болып тұрады, – деді Газиантеп өрт сөндіру қызметінің басшысы Джафер Йылмаз.