Түлектер еңбегі музейде
Облыстық бейнелеу өнері музейінде №1 балалар көркемөнер мектебі түлектерінің шығармашылық жобасын қорғау жиыны өтті. Музей мектеп оқушыларының жұмысын қорытындылауға салтанатты жағдай жасап, ерекше мән берді. Мұндай қарым-қатынас оқушыларды өнерге бейімдеудің бірден-бір жолы болып табылады.
Көптеген жылдар бойы көркемөнер мектебінің балалары мен музей арасында «Жас түлек» жобасы аясында шығармашылық ынтымақтастық беки түсті. Мектеп оқушылары кең аудиторияда ата-анасы мен курстастары алдында жұмысын қорғайды. Бұл мұғалімдер мен оқушылардың емтиханы әрі оқу қызметінің есеп беру көрмесі. Бағдарлама бойынша балалардың қорытынды жұмысы ұсынылған.
Соңғы жылдардағы экспозицияларға қарасақ оқушылар мен олардың жетекшілерінің жыл санап дамығанын білуге болады. Мектеп, ең алдымен, балалардың шығармашылық эмоционалды-эстетикалық көзқарасын дамытуға арналған. Бұл өз бетінше шығармашылық түрде ойлау қабілетін шыңдайды. Балалардың жұмыстары аралас, әртүрлі техникада, түрлі стильде орындалған. Көптеген жұмыстар біздің көпұлтты және түрлі дәстүрлерге толы өлкеміздің бірегей сипатына негізделген. Бұл оқушылардың патриотизмін, рухын, туған жерге деген сүйіспеншілігін көрсетеді.
Әр баланың жұмысында ұстаздың елеулі еңбегі жатқаны мәлім. Ұстаздың кәсіби тұрғыдан қолдауы шығармашылық тұлғаның қалыптасуына тікелей әсер ететінін айта кету керек.
«Жас түлек – 2023» 4 сынып оқушыларын дайындаған жетекші мұғалімдер: А.Сарымсақова, Т.Алешина, А.Орлов. Олар шабыттандырушы, шығармашылық тұлғаның жетілуіне елеулі үлес қосқан жетекшілер.
Шара соңында «№1 балалар көркемөнер мектебі» түлектеріне мектепті бітіргені туралы куәлік салтанатты түрде табысталды.
Жан АМАНТАЙ,
Ortalyq.kz