Ұстаз – ел ертеңін қалыптастыратын тұлға
Сіздерді кәсіби мерекелеріңіз – Ұстаздар күнімен шын жүректен құттықтаймыз!
Болашақ ұрпақты тәрбиелеу жолындағы қажырлы еңбегіңіз үшін алғысымызды білдіреміз. Сіздер білім беріп, шәкірттердің жеке тұлғасын қалыптастырып, оларды өз елінің патриоты, нағыз азамат етіп тәрбиелейсіздер. Ел Президенті Қасым-Жомарт Кемелұлы Тоқаевтың айтуынша, білім мен ғылым – мемлекеттің дамуындағы басты тіректер. Бұл сіздердің еңбектеріңіз қоғамда лайықты бағаланып, жоғары орынға ие екендігін көрсетеді.
Қарағанды облысында білім саласына айрықша көңіл бөлініп, көп жылдан бері көптеген маңызды жобалар жүзеге асырылып келеді. Жаңа оқу жылы басталғалы бері жаңа мектептер, балабақшалар мен оқу сарайлары бой көтеріп, сондай-ақ ауылды жерлерде де осы салаға үлкен көңіл бөлінуде. Қазіргі уақытта тәрбие жұмысы күшейтілуде, инклюзивті білім беру мен дарынды балаларды қолдау, ұстаздардың кәсіби дамуына үлкен көңіл бөлінуде. Біздің оқушыларымыз республикалық және халықаралық олимпиадаларда, байқауларда жақсы нәтижелерге қол жеткізіп, еліміздің даңқын асырды. Бұл – сіздердің еңбектеріңіздің жемісі, құрметті ұстаздар!
Жас мамандарға да ерекше назар аударылуда. Биыл облысымызда 50-ден астам жастар, облыс бюджетінен білім алған түлектер мектептерде жұмысқа қабылданды. Біз жас педагогтардың кәсіби даму жолында әрқашан қолдау көрсетіп, олардың жұмысын ұйымдастыруға барлық жағдайларды жасайтын боламыз.
Білім беруде, биік белестерді бағындыруға тілектеспіз! Оқушыларыңыздың жетістіктері сіздерге қуаныш әкелсін, ал, жұмысыңыздан қанағат пен лайықты құрмет табасыз деп сенеміз!
Мереке құтты болсын!
Ермағанбет БӨЛЕКПАЕВ,
Қарағанды облысының әкімі
Нұркен КОБЖАНОВ,
Қарағанды облыстық мәслихатының төрағасы
