Шілдеде құрғақшылық болады

«Қазгидромет» РМК бас директорының бірінші орынбасары Серік Сайыров елімізде атмосфералық құрғақшылық басталу қаупі бар аумақтар ұлғайып келетіндігін айтты. Бұл аумақтың қатарында Шет ауданы да кіретінін мәлімдеді, деп хабарлайды Ortalyq.kz halyq-uni.kz сайтына сілтеме жасап.

Серік Сайыровтың айтуынша, шілде айында Қазақстан аумағында ылғалдану жағдайы көбінесе көпжылдық мәндерге жуық болады деп күтілуде, алайда нақты қалыптасқан ауа райы жағдайларын және алдағы ай болжамын ескере отырып, құрғақшылық күтілетін аудандар тізімі жасалды. Олар:

– Қарағанды облысының Шет ауданында;

– Қостанай облысының Амангелді және Жангелді аудандарында;

– Ақтөбе облысының Әйтеке би ауданында, Байғанин, Ойыл, Хромтау және Шалқар аудандарында;

– Ұлытау облысының Ұлытау және Жаңаарқа аудандарының жеке пункттерінде;

– Алматы облысының Балқаш және Жамбыл аудандарында;

– Жамбыл облысының Мойынқұм, Жуалы және Т. Рысқұлов аудандарында;

– Түркістан облысының Арыс, Созақ, Қазығұрт, Түркістан, Отырар және Бәйдібек аудандарында;

– Қызылорда облысының Арал, Қазалы, Қармақшы, Шиелі аудандарында;

– Маңғыстау облысының Бейнеу, Маңғыстау және Қарақия аудандарында;

– Атырау облысының басым бөлігінде.

Ал, тамыз айында республиканың басым бөлігінде орташа ауа температурасы норма шамасында болады деп күтілуде.

Материалды әзірлеген Ербол ЕРБОЛАТ.