Шет ауданындағы кафелердің бірінде газ баллоны жарылып, 2 адам қаза тапты

Төтенше жағдайлар министрлігінің баспасөз қызметінің хабарлауынша, Қарағанды облысы Шет ауданы Мойынты кентіндегі кафелердің бірінде газ баллоны жарылып, салдарынан 2 адам қаза тауып, 11 адам жарақат алды.

Құтқарушылар өрт орын алған 300 шаршы метр аумақты толық сөндірген.

“Газ баллонының жарылуының себебі – газбен жабдықтау жүйелерін, соның ішінде тұрмыстық газ баллондарын қауіпсіз пайдалану талаптарының бұзылуы”, – деп атап өтті министрлік.

Аяулым СОВЕТ