Шахтинскіде «Вейпті тапсыр – денсаулықты таңда» акциясы басталды

Бүгін Шахтинскідегі «Ассорти» сауда үйінде вейптер мен темекі өнімдерін тұтынуға қарсы республикалық алдын алу науқаны аясында «Вейпті тапсыр – денсаулықты таңда» атты акция өтті. Іс-шара қала  прокуратурасымен, еріктілермен және жастардың бірігуімен ұйымдастырылды. Осындай біріккен жұмыс форматы акцияға кең қоғамдық үн қосып, өңірдің белсенді тұрғындарын тартуға мүмкіндік берді.

Бастама жастар мен жалпы халықтың назарын электронды сигареттер мен никотин өнімдерінің зиянына аудару, сондай-ақ салауатты өмір салтын насихаттауды көздейді. Бүгін қала тұрғындары үшін арнайы қабылдау пункттері ұйымдастырылып, кез келген қалаған адам өз вейптерін, электронды құрылғыларын және никотинсодержащие сұйықтықтарын өткізе алды. Қатысушыларға символикалық сыйлықтар, денсаулық туралы ақпараттық буклеттер және зиянды әдеттерден ада оң демалысты қолдауға бағытталған спорттық әрі мәдени іс-шараларға шақыру билеттері табысталды.

Ұйымдастырушылардың айтуынша, вейпинг – әсіресе жасөспірімдер мен жастар үшін денсаулыққа елеулі қауіп төндіреді. Никотинге тәуелділік тез қалыптасып, тыныс алу, жүрек-қан тамырлары және жүйке жүйелеріне кері әсерін тигізеді.

«Вейпті тапсыр – денсаулықты таңда» акциясы мемлекеттік органдардың, жастар ұйымдарының және белсенді азаматтардың күш-жігерін біріктіріп, ортақ игілік – таза ауа мен салауатты болашақ үшін күрестің үлгісіне айналды.

 Аяулым СОВЕТ