Кеншілер күніне орай эстрада жұлдыздарының қатысуымен мерекелік концерт өтеді

Осы сенбі және жексенбі күндері Кеншілер күніне орай Қарағанды қаласының орталық саябағында мерекелік шаралар өтеді. Кеншілер мерекесіне орай қарағандылықтарды Band’Eros, Luina, Shiza және Ninety One тобы өз өнерлерімен қуантпақ.

Негізгі концерт 24 тамыз күні кешкі уақытқа жоспарланған. 24 тамыз күні сағат 16.00-де Орталық мәдениет және демалыс саябағының жағалауында Қарағанды қаласындағы балалар мен жасөспірімдер клубтарының мерекелік бағдарламасы өтеді. Сағат 17.00-ден 20.00-ге дейін Тәуелсіздік алаңында қарағандылықтар үшін Қали Байжанов атындағы концерттік бірлестік ұжымдары: джаз оркестрі, «Арай», «Әуен», «Мерей» ансамбльдері өнер көрсетеді.

Сондай-ақ сағат 17.00-ден 20.00-ге дейін «Karaganda Tartylu Fest» спорт фестивалі өтеді. Кешкі сағат 20.00-де Қазақстан эстрада жұлдыздарының қатысуымен негізгі концерттік бағдарлама басталады. Қарағандылықтар үшін Band’Eros, Luina, Shiza және Ninety One тобы өнер көрсетіп, артынан отшашу болады деп жоспарлануда.

Мерекелік шаралар жексенбі, 25 тамызда да жалғаспақ.

Ілияс ДҮНГЕНБАЙҰЛЫ.