“Шахтер” тағы да төменгі лигада қалды
Қазақстан Бірінші лига ойындарының 2024 -2025 жылғы маусымы өз мәресіне жетті. Былтыр ғана Премьер-Лигадан түскен қарағандылық «Шахтер» клубы келер жылғы маусымды да Бірінші лигада өткізуге мәжбүр болды. Маусым басында жерлестеріміз сәтті ойын көрсетіп, үздік үштікке дейін көтерілген болатын. Тіпті, соңғы сәтке дейін «Премьер-Лига жолдамасын алады» деген сенім де болды. Алайда, «Шахтер» сүрінді. Нәтижесінде, жалпыкомандалық есепте 53 ұпаймен IV орынға тұрақтады.
«Шахтер» турдың соңғы ойынында өз алаңында «Түркістанды» қабылдауы керек болған. Алайда, бұл ойын өтпеді. Сәйкесінше, Бірінші лига ережесіне сай үш пай автоматты түрде жерлестердің пайдасына жазылды. Бұл туралы Қазақстан футбол федерациясы ресми мәлімдеген болатын.
– Федерацияның Бақылау, тәртіптік және әдеп комитеті 2025 жылғы Бірінші лиганың 26-турында жоспарланған «Шахтер»-«Turkistan» ойыны бойынша шешім қабылдады. Кәсіби клубтар арасындағы жарыстарды өткізу дирекциясы аталмыш кездесу бойынша комитетке ресми өтініш жолдаған болатын.
20 қазанда «Turkistan» футбол клубы өз тарапынан хат жібергенімен, команда белгіленген күнгі ойынға қатыспады. Бұл әрекет Бірінші лига регламентінің 6.39-тармағын бұзу болып саналды. Осыған байланысты Бақылау, тәртіптік және әдеп комитеті төмендегідей шешім қабылдады: «Turkistan» клубына 0:3 есебімен техникалық жеңіліс беру. Нәтижесінде, «Шахтер» командасына жеңіс жазылады. Шешім комитет мүшелерінің бір ауыздан шешім қабылдауымен күшіне енді», – делінген ресми хабарламада.
Осылайша жерлестердің еншісіне үш ұпай жазылған болатын. Дегенмен, бұл үш ұпай Премьер-Лига жолдамасын алуға жеткіліксіз болды. Жерлестерден екі ұпай айырмашылығымен «Өскемен» клубы Премьер-Лигаға үшінші команда болып жолдама еншіледі. Олар соңғы кездесуінде өз алаңында «Оңтүстік
Академия» клубын қабылдап, 4:1 есебімен жеңген болатын. Көш басына шыққан ақтаулық «Каспийдің» еншісінде – 68 ұпай. Олар әлдеқашан жолдаманы бірінші болып алып қойған. Олай дейтінім, кейінгі сегіз ойынды ешқандай жеңіліссіз өткізіп, басты қарсыластарынан оқ бойы алға шығып кеткен болатын. Сондықтан, ол үшін соңғы ойындар жолдама тағдырын шешпейтін еді. Ал, одан кейінгі сатыға 61 ұпаймен павлодарлық «Ертіс» клубы табан тіреп, келесі кезеңге жолдама иеленді. Қос команда арасындағы айырмашылық – 7 ұпай. Негізі, павлодарлықтардың қарсыласын қуып жетпесе де, есеп алшақтығын қысқартатын мүмкіндіктері болды. Бірақ, олар «Алтаймен» өткен маңызды ойында тең түсті. Одан бөлек, сырт алаңда басты қарыласы «Каспийден» жеңілді.
Десе де, өскемендіктерден ұпай айырмашылығымен алға шығып, екінші болып, Премьер-Лигаға жолдама
иеленді. Биыл жерлестердің айы оңынан тумады. Жыл басынан бері 26 ойын өткізіп, оның 16-сында жеңіске жеткен. Бес ойында жеңіліп қалса, енді бесеуінде тең түсіпті. Дегенмен, жерлестер маусым бойы қарсылас қақпасына 61 гол салып, 34 голды өзіне өткізіпті.
Сұрмергендер тізімінде клубтың шабуылшысы Максим Галкин ІІ орында тұр. Оның еншісіне 13 гол және 7 голдық пас жазылған. Ал, шабуылшы Арман Нүсіп осы кестенің бесінші орнында. Жыл басынан бері қарсылас қақпасына 12 гол салып, 8 нәтижелі пас шығарған көрінеді.
Сонымен қатар, қарағандылықтар сапында Диас Қалыбаев (8 гол және 3 голдық пас) пен Артем Литош та (7 гол және 3 голдық пас) бар.
Биыл үздіктер өз биігін көрсетті. Дегенмен, келесі жылы Бірінші лиганың басты фавориті – «Шахтер» болмақ. Ал, жерлестеріміз келер жылы міндетті түрде жоғарғы лигаға көтеріледі деген сенім зор.
Ербол ЕРБОЛАТ
«Ortalyq Qazaqstan»
