«Шахтер 2014»: әйгілі англия клубын финалда сан соқтырды

Футболдан Абу-Дабиде (БАӘ) 2014 жылы туған жасөспірімдер арасында Аbu dhabi cup 2024 турнирі өтті. Оған қарағандылық «Шахтер» футбол клубының «Шахтер 2014» командасы қатысып, чемпион атанды.

«Шахтер 2014» клубының жетекшісі – Жәнібек Аллабергенов. Жерлестер турнирде 9 кездесу өткізіп, оның 8-інде жеңіске жетті. БАӘ, Англия, Оман, Оңтүстік Африка, Үндістан, Ресей, Швейцария, Уганда және Испания секілді ел командаларынан айласын асырды.

Топтық кезеңде сәтті өнер көрсетіп, ақтық бәсекеге ІІ орынмен жолдама иеленді. Ал, финалда Англияның «Манчестер Сити-2014» командасымен кездесіп, 2:0 есебімен жеңді.

Ербол ЕРБОЛАТ,
Ortalyq.kz