Сегіз адам эвакуацияланды

Балқаш қаласының Мира көшесінде төрт қабатты тұрғын үйге жапсарлас салынған дәмхананың ас үйінен өрт шықты. ҚР Төтенше жағдайлар министрлігінің баспасөз қызметінің мәліметіне сүйенсек, өрт кезінде сегіз адам эвакуацияланған. Оның ішінде үшеуі – бала.

– Оқиға орнына келген құтқарушылар мекеменің ас үйінде қазандағы май жанғанын анықтады. Өрт сөндірушілер алты шаршы метр алаңды шарпып үлгерген өртті жедел түрде сөндірді. Зардап шеккендер жоқ, – делінген хабарламада.

Мамандар қауіпсіздік ережелерін қатаң сақтауға шақырады.

Ербол ЕРБОЛАТ,
Ortalyq.kz