Саясат Нұрбек ҰБТ-2024-ке қатысты мәлімдеме жасады

11.01.2024

Оқылды: 253

ҚР Ғылым және жоғары білім министрі Саясат Нұрбек Ұлттық бірыңғай тестілеуге (ҰБТ) қатысты мәлімдеме жасады, деп хабарлайды ortalyq.kz Zakon.kz сайтына сілтеме жасап.

Ғылым министрлігінің басшысы өзінің Telegram-арнасында болашақ студенттерге үндеу жариялады.

– Сіздер үшін ҰБТ-2024 өзгеріссіз қалатындығын қуана хабарлаймын. Тестілеуде сіздер тек екі пән тапсырасыздар: Қазақстан тарихы (20 тапсырма, шекті балл – 5) және Оқу сауаттылығы (10 тапсырма, шекті балл – 3). Тапсырмаларды орындау уақыты – 70 минут. Ал шығармашылық емтихандар жоғары оқу орындарында өтеді, – деді Саясат Нұрбек.

Бұл шешім талапкерлердің қалауы мен бейінді ведомстволардың сараптамалық пікірі негізінде қабылданды.

– Қорытындылай келе, өткен жылы ҚР Ғылым және жоғары білім министрлігі негізгі ҰБТ-ны екі рет тапсырып, үздік нәтижемен грант тағайындау конкурсына қатысу мүмкіндігін ресми түрде бекіткенін еске саламын, – деді министр Саясат Нұрбек.

Егер ақылы негізде түсу үшін ҰБТ тапсырудың тағы үш мүмкіндігі (қаңтар, наурыз, тамыз) бар екенін ескеретін болсақ, онда 2024 жылғы талапкерлер тестілеуден бес рет өте алады.

Материалды әзірлеген Аида РАХЫМҚҰЛОВА

11.01.2024