«Сарыарқа» – «Торпедо»: Қазақстан кубогы кімге бұйырады?

Бүгін Қарағандыда өтетін «Сарыарқа» – «Торпедо» ойыны Қазақстан кубогының тағдырын шешетін тартысты дода болғалы тұр. Қазақстан кубогының финалына жолдама қарағандылықтар қызылжарлық «Құлагерге» қарсы мұз айдынында тартысты ойын өрнегін көрсеткен болатын. 

 Кешегі ойындағы бірінші кезеңде есеп ашылмады. Тек екінші кезеңнің 33-минутында Кирилл Пономарёв Александр Борисевичтің пасынан кейін қақпаны дәл көздеп, есеп ашты.

Ал, үшінші кезеңнің басында Радель Фазлеев Егор Наместниковтың көмегімен есеп айырмасын еселеді. Дегенмен, қонақтар да қарап қалмай намысын қайрап, Герман Шапорев бір шайбаны қақпаға тоғытты. Төрешінің пәрменінен соң, ойын аяқталды. Қорытынды есеп – 2:1.

Бұл жеңіс қарағандылықтарға Қазақстан кубогының финалына жол ашты. Енді олар шешуші бәсекеде өскемендік «Торпедомен» кездеседі. Екі команда осы маусымда бір-бірімен жолықпаған. Соңғы кездесу өткен жылы өтіп, ол кезде де ойын тең дәрежеде өрбіп, буллит сериясында «Сарыарқа» жеңіске жеткен болатын.

Жақында көрсеткен ойын нәтижелеріне қарағанда, «Сарыарқаның» жеңіске деген құлшынысы жоғары. Соңғы матчтарда сенімді өнер көрсетіп келе жатқанын ескерсек, финалда да фаворит ретінде айдынға шығатыны анық.

Мағжан ҚҰДАЙБЕРГЕН

«Ortalyq Qazaqstan»