«Сарыарқа» құрамы жаңа қорғаушылармен толықты

Қарағандылық «Сарыарқа» хоккей клубының қатары қос қорғаушымен толықты. Рейсейлік «Тамбов» клубының қорғаушысы Дмитрий Стулов пен «Хумо» клубының қорғаушысы Евгений Калинин «Сарыарқа» клубының басшылығымен бір жылдық келісімшартқа қол қойды.

Дмитрий Стулов мансабында Жоғарғы хоккей лигасында өнер көрсеткен спортшы. Атап айтсақ, кәсіби мансабын «Стальные Лисы» клубынан бастап «Южный Урал», «Ариада НХ», «Лада», «Ладья», «Химик», «Ермак», «Спутник», «ЦСК ВВС», «Торпеда», «Торос», «Зауралев», «Нефтяник», «НК Norilsk», «Тамбов» сынды клубтарда ойнаған.

Бұған дейін хоккейші 2018-2019 жылдары «Сарыарқа» сапында ойнап кеткен. Ол қарағандылық клуб сапында 20 кездесу өткізіп, 2 гол, 3 нәтижелі пас берген.

Ал, Евгений Калинин өз мапсабын «Снежные барысы» клубында бастаған . Ол да Ресей лигасында өнер көрсетіп, жақсы нәтижелерге қол жеткізген тәжірибелі ойыншы. Мансабын «Снежные Барысы» клубында бастаған. Одан кейін «Ариада НХ», «Саров», «Ценг Тоу», «Молот», «Зауралье», Ижсталь», «Хумо» сынды клуб сапында ойнаған.

Ол осы маусымда «Хумо» сапында өнер көрсетіп, 8 кездесу өткізген.

Ербол ЕРБОЛАТ,
Ortalyq.kz