Рыбакина – жартылай финалда

Катар астанасы Дохада өтіп жатқан WTA 1000 – Qatar Total Open турнирінде бақ сынап жатқан жерлесіміз Елена Рыбакина жартылай финалға жолдама алды.

Әлемнің төртінші ракеткасы Елена Рыбакина турнирдің алғашқы айналымында қытайлық Чжу Линді 6:2, 6:1 есебімен жеңген болатын. Ал, екінші айналымда америкалық Эмма Наварроны, ширек финалда канадалық Лейла Фернандесті артта қалдырды.

Енді отандасымыз жартылай финалда ресейлік Анастасия Павлюченкомен кездеседі.

Ербол ЕРБОЛАТ,
Ortalyq.kz