Облыс әкімдігі биыл табиғи өртпен күрес жөніндегі іс-шаралар үшін бюджеттен 1 млрд. 409 млн. теңге бөлген. Оның 930 млн. теңгесі орманшылықты дамыту мақсатында облыстық табиғи ресурстар және табиғатты пайдалануды реттеу басқармасына тиесілі.
Бүгінде бөлінген қаражатқа Керней, Шабанбай би, Ақсу-Аюлы, Егіндібұлақ және Окольное ауылына жаңа орман өрт сөндіру станциясының ғимараты салынды. Сонымен қатар, аймақтағы тоғыз өрт сөндіру станцияларындағы техникалар жаңартылып, өрт сөндіруге қажетті барлық құрал-жабдық жаңадан алынды.
Жаңадан салынған станцияларда жеке құрам бекітіліп, жаңадан қажетті техникалар мен құрылғылармен толық жабдықталды. Сонымен қатар нысандарға жылу кіргізіліп, су тартылған.
Аида РАХЫМҚҰЛОВА,
Ortalyq.kz
