Өрт сөндірушілер әйел адамды құтқарды

Майқұдықтың  «Восток-3» ықшам ауданындағы көпқабатты тұрғын үйдің бірінде орамал тұтанып, қалың түтін үйді алып кеткен. Оқиға орнына құтқарушылар дер кезінде жетіп, ес-түссіз күйде жатқан тұрғынды құтқарып қалды.

Оқиға ас үйде орын алған. Ас үйдегі электр плитасы қосылып қалып, салдарынан орамал тұтанады. Кейін қалың түтін үйді алып кеткен. Өрт сөндірушілер барлау жұмыстары барысында ес-түссіз жатқан пәтер иесін тауып, оны қауіпсіз жерге шығарады. Алғашқы медициналық көмек көрсетіп, жедел жәрдем бригадасына тапсырды.

Сонымен қатар, төтенше жағдайлар қызметкерлері оқиға орнына жеткенше тұрғындар пәтерден төрт баланы эвокуациялаған. Зардап шеккен жоқ.

Ербол ЕРБОЛАТ,
Ortalyq.kz