Әріптесіміз – академик

    Жақында Қарағанды қаласына тағы бір жағымды жаңалық жетті. Белгілі айтыскер ақын, филология ғылымдарының докторы, профессор Қойлыбай АСАНОВ Қазақ Ұлттық Әдет-ғұрып, салт-дәстүр академиясының толық мүшесі, академигі болып сайланды.

Ұлттық шешендік өнер та­қы­рыбында қалам тербеген қаламгердің еңбегі еленіп, бағасы берілді.

Қойлыбай Дәулетқанұлы «Жылымық жылдар жаңғыры­ғы» (Публицистикалық жинақ, 2004), «Е.А.Букетов-публицист» (Ғылыми зерттеу, 2006), «Айтыс өнерінің публицистикалық сипаты» (Монография, 2010), «Сөз өнері және журналистика» (Оқу құралы, 2012) кітаптарының авторы.

Мұны ғалым еңбегінің өтеуіне баладық. Академик атан­ған әріптесімізге алар асуыңыз көп болсын демекпіз!

Нұрдос КӘРІМ